Wegɔɔnle 13:14 - Kazambale lé Sebe Sauunu 1979

¹⁴ Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:14 ပူးပေါင်းရင်းမြစ်များ

2 Minwiinzannu 20:7

Ézai léé: ’Ka bɔrɔyili poro povɔle si, Wa si, yé wa pla a manɔn ta. Yé Ézékia béli.

2 Minwiinzannu 22:20

Bɛwemalé, bé ye, i dan go lɛ drɔɔ i tranu zuo, yé we tɔntɔnnu faa lé maa dan wo bɔ lɛ fɛkona ma, i ’ka dan wo ye lɛ lo. Wo go yé wo we zi pa dére ’ko zuo fe minwiinzan blɛn lɛ.

2 Minwiinmunu lé Wezuofe Sɛbɛ 18:21

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

JOB (Job) 12:16

É a plɛplɛ yé éé we kɛla wedɔɔle nya; Mi lé éé saan, ɛɛ, dé é mi bɛnu saan‐oo, éé plaan ’bɛzan nwiin.

Fwile 7:11

Naa, Faraɔn wedɔɔmunu valé ’monédɔzannu laa; yé Éjipiti yokɛlɛzannu é ziin, wo ’wozé kɛlɛ ’bɛ zo wolé yo kɛlɛle nya.

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Ézékiɛl 16:17

I ’lɛrɛkyan valé gɔɔlifu lé maa wo nɔ i lɛ bɛ, i wo si yé i miyilinu kɛlɛ wo nya, yé i wo kɛlɛ i zananu nya.

Ézékiɛl 8:10

An wɔra, yé maa nagini, ’té tawoplɛlawinu koo, wi naanénu koo, Izraɛl munu lé miyilinu faa koo, wo fotonu a é dɔle guru ma fɛfaana.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:1

A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.

Wegɔɔnle 13:15

Bale se kɛlɛ a lɛ léé, ’é flinle nɔ miyili ’ko lɛ, miyili lé wefele we ma, yé é a kɛlɛ léé, munu lé wo ’ka diaan ’wo bli la yee miyili ’lɛ lo, ’é wo gyɛ yé ’wo ga.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 14:11

Yé munu lé wo dia ’wo bli la wi valé é yili ’lɛ, yé mian a tɔ tɔmase ke é gyɛle a ma, wolé nyanéblele goi é dan nwa lɛ lɛɛfaama yé wo ’ka dan flin lɛ bladi nyanadi lo.

Wegɔɔnle 14:9

Lanje yaazan da wo zuo yé ’bɛ lé dére plɛplɛ nya léé: Dé mian é dia é bli la wi valé é yili ’lɛ, yé dé wo tɔmase gyɛ a ma, dé a yarapɛla léé, dé a bɛ ma léé, ana,

Wegɔɔnle 15:2

Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

Wegɔɔnle 16:13

Yé yo tiridɔlenu yaa lé wo ke bélé yolunu zo, maa wo ye bɔrana dragɔn koo, wi koo, viébalelayezan koo, wo ’léé.

Wegɔɔnle 16:2

A vininzan go yé é élé kana gi bliflile zana tɛrɛ va. Yé manɔn naané tɔntɔn vɔ munu lé, wi lé tɔmase ke é gyɛle wo ma, ’té woo buaan ’wo bli la a yili ’lɛ bɛ, wo ma.

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.