Wegɔɔnle 13:13 - Kazambale lé Sebe Sauunu 1979

¹³ É we blɛnblɛnnu kɛlɛ fɔɔ yé é kyɛ si la gi yé é zana tɛrɛ va munu yuɛ va.

Wegɔɔnle 13:13 ပူးပေါင်းရင်းမြစ်များ

1 Minwiinzannu 18:38

Yé Gakelebale lé kyɛ dia yé diriwi koo, kyɛ yilinu koo, gɔlɛnu koo, tɛrɛ koo, é wo ble, yé ’yi lé ke guru gi, é ’bɛ béli.

Fwile 7:22

Naa, Éjipiti yokɛlɛzannu yee duo kɛlɛ wolé yo kɛlɛle nya. Faraɔn bli kɛlɛ plɛplɛ, yé é ’ka tɔné dɔ lɛ Moizi valé Arɔn lɛ lo, Gakelebale a fe fɛan zo, a zo.

Fwile 8:7

Bii koo, ilé kɔnnu koo, i wuozannu valé ilé munu koo, yolunu é dan si lɛ ka ma baa; wo dan vo lɛ yuu do kpen ɛ va.

Fwile 9:11

Manɔnnu lé we ma yokɛlɛzannu ’ka bɔa bɔrale lɛ Moizi va lo; naa, manɔn a yokɛlɛzannu ma bélé Éjipiti munu faa zé zo.

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

Matio 16:1

Farizimunu valé Sadusémunu bié Jézu va a gi danle we gi yé wo léé: ’I tɔmase do si ko lɛ la gi.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

2 Timoté 3:8

Fɛan zo lé Janɛs valé Jambrɛs dɔ Moizi ma plɛplɛ, a zo duo lé munu ’ko éé dɔa webozen ma plɛplɛ. Wa é vɔnle we ’male gi, wo ’ka mi nya blipale lé we vazia lo.

Wegɔɔnle 11:5

Dé mian é a a va léé, ’é wenyané kɛlɛ wo lɛ, kyɛ éé sié wo ’léé yé éé wo nyanézannu blé; iin, dé mian é a a va léé, ’é wenyané kɛlɛ wo lɛ, a zo lé wo dan a gyɛ lɛ.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 20:9

Yé wo gié tɛrɛ faa ta, yé Kazambale lé munu nyanana valé fla lé é sɔ Bale lɛ, wa zi lɛ sɔɔ, naa, kyɛ si la gi yé é wo ble.