Wegɔɔnle 12:9 - Kazambale lé Sebe Sauunu 1979

⁹ Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 12:9 ပူးပေါင်းရင်းမြစ်များ

Wepélisiananu 3:1

Méné gi kini é mini winu faa lé Bale, Gakelebale a kɛlɛ, wo ta. É lé lezan lɛ léé: Kazambale a fe weboen nya léé, té ka féiyili poro faa ble loo?

Wepélisiananu 3:13

Yé Bale, Gakelebale lé lezan lɛ léé: Mɛmalé i ’bɛ kɛlɛɛ? Lezan ézé fe léé: Méné dabli kɛlɛ an lɛ yé maa a ble.

Minwiinzannu lé Wezuofe Sɛbɛ 21:1

Satan nwa Izraɛl ma, yé é a pa David bli gi léé, ’é Izraɛlnu nɔnɔ.

2 Minwiinmunu lé Wezuofe Sɛbɛ 18:21

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

Lɛrɛvɔ Sɛbɛ 109:6

’I mi ple pla an nyanézan nwiin, Yé mian éé we dɔa a nwiin, ’bɛ ’é dɔ a bɛyila ma.

Ézai 14:12

Pɔrɔkunnu monéné, tukini gunu, i si la gi i dia kaa? Bii lé, guliwuo vo i lɛ bɛnnu nwiin, wo i dia tɛrɛ va.

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézékiɛl 28:16

Ilé yaawole blɛn zi i fan glawe kɛlɛle nya yé i wenyané kɛlɛ; maa i si Kazambale lé gɔ nwiin, yé maa i nwunzi vuli, yé bii, munuvɔazizan sérubɛn, maa i si gɔlɛnu lé woo bié bélé kyɛ zo, wo méléna, yé maa i ta saan.

Matio 13:39

nyanézan lé é a vɔ, é a yonufaatagɔné nya; a gyɛbléyi a tɛrɛla nyaabléyi nya; a gyɛmunu lé ke lanjenu nya.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 4:1

Kazambale Léli go Jézu nya bwi gi, yonufaatagɔné lé a gi danle we gi.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Matio 4:5

Yonufaatagɔné go a nya fla sauun ta, yé é a vɔ Balebangikɔn nwiin loru yé é lé a lɛ léé:

Matio 4:8

Yonufaatagɔné go a nya é ziin gɔ grɔgrɔ nwiin, yé é tɛrɛ la bɛntɛrɛ faa valé ’wolé fua gɔɔn a lɛ,

WENÉNÉ LÉ LUK A GYE (Évangile selon Luc) 10:18

Jézu lé wo lɛ léé: Maa Satan ye sina la gi yé é zun bélé lɛɛ yuɛ wuovɔle zo.

WENÉNÉ LÉ LUK A GYE (Évangile selon Luc) 13:16

Yé lezan ’ko lé é ke Abraam gɔnɔla le nya, ’té Satan a yere a lɛɛ vu ta sɔraa lo, é ’ka lé wa fuo flinyi nya loo?

WENÉNÉ LÉ LUK A GYE (Évangile selon Luc) 22:3

Naa, Judas lé wa laama Kariɔtzan, ’té é ke mi vu ta fié va mi do nya bɛ, Satan wɔra a bli gi.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

WENÉNÉ LÉ LUK A GYE (Évangile selon Luc) 8:12

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

WENÉNÉ LE JAN A GYE (Évangile selon Jean) 16:11

wo tɛrɛ ’ko nwiinzan blɛn lé we ble, bɛwemalé we lé ke weblele nya, é dan wo bɔn‐in kini lɛ ’bɛ lé we ma.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

2 Korɛnt Munu 11:14

Yé ’bɛ ’ka givuruwe nya lo; Satan bozen é ébo ma nɔlaan Bale lé lanje zo.

2 Korɛnt Munu 11:3

Naa, fɛan zo lé méné Eve saan élé dabli kɛlɛle nya, an kana léé, dé ka ’wuo é da sɛrɛ yé ka ’ka Krist kunwo ka bɛ fié nya yé ka vo a va loo?

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

2 Korɛnt Munu 2:11

té Satan é ko kele lo we ma. Naa, ko ’ka ko tanyila wenu lé é sɔ a lɛ léé, ’é a kɛlɛ, wo gi lo.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

1 Timoté 2:14

Yé wo ’ka dabli kɛlɛ lɛ Adam lɛ lo; le lɛ lé wo dabli kɛlɛ, yé a pagi kɛlɛ bélidɔwe sɛrɛle nya,

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 12:12

Bɛwemalé, lanu valé ’wo gi munu, ka gi ’é nana ma. Tɛrɛ valé wɛyi, we kɛlɛ ka lɛ. Naa, yonufaatagɔné zun ka va, yé é a gi dɔɔ léé, ézé bléyi ’ka vo lɛ blɛn lo, amalé a bli a flina é baba.

Wegɔɔnle 12:3

Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 12:7

Gulidanle kɛlɛ la gi. Misɛl valé élé lanjenu guli dan dragɔn va.

Wegɔɔnle 12:8

Yé dragɔn valé ézé lanjenu guli dan Misɛlnu va yé wo ’ka mini lɛ Misɛlnu lɛ lo, yé wo nyanana ’ka kɛlɛ lɛ é dɛrɛ la gi lo.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:24

Yé ’kaa Tiatii munu pɔnénu lé ka ’ka wepaale ’ko nyi si lɛ lo, ’té we lé wa laan Satan lé we wɔlɛ ma bɛ, ’té ka ’ka ’bɛ gi dɔɔa lo, maa lé ka lɛ léma: Maa ’ka kɔné bɛ dɔna ka nwiin lo;

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.

Wegɔɔnle 9:1

Lanje soruzan béli fɛn, yé maa monéné do ye sina la gi, yé é dia tɛrɛ va. Guru lé a wɔlɛ ma nyaana ’ka lo, wo alé lakléwɔlɛ nɔ yee monéné lɛ,

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;