Wegɔɔnle 12:7 - Kazambale lé Sebe Sauunu 1979

⁷ Gulidanle kɛlɛ la gi. Misɛl valé élé lanjenu guli dan dragɔn va.

Wegɔɔnle 12:7 ပူးပေါင်းရင်းမြစ်များ

Lɛrɛvɔ Sɛbɛ 78:49

Alé bliflile plɛplɛ koo, a wɛwɛ koo, a bli tɔntɔn koo, kleblele koo, é wo nwa wo ma. Nwunvɔzannu lé Bale wo pa zia we tɔntɔn kɛlɛle wo lɛ we gi, wo lé ke bɛ.

Ézai 34:5

Nyɛ anlé gwɔun gyɛ bélé nwɛ zo; ka ye, é dan vɔ lɛ Édɔm munu ma, munu lé maa wo nyaawe fe, we lɛdɔle wo gi we ma.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Daniɛl 10:13

Pɛɛs munu nwiinzan dɔ an ma plɛplɛ yi yɔ do wɔlɛ do wuo. Naa, bé ye, minwiinzannu va mi blɛn do lé wa laama Mikaɛl, é da bɔ lɛ an va yé an vo é nyanale ana Pɛɛs munu nwiinzannu va.

Daniɛl 10:21

Naa, wean é ke é gyɛle webozen lé sɛbɛ gi, é sɔ an lɛ léé, maa a gɔɔn i lɛ. Mian éé bɔa an va gulidanna munu ’ko va, dé é ’ka ’kaa Izraɛlnu nwiinzan Mikaɛl nya lo, ’bɛzan ’ka lo.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 26:53

É dɔ i gi kaa? Dé an siaa béli ’ko an Ti lɛ do kpen, é ’ka bɔalɛ yé é lanje lɛ blɛɛn vu ta fié pa an lɛ zia é nya do yé é mini ’bɛ ta loo?

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

Éfez munu 6:12

Naa, kaa ’ka buo sié tɛrɛlamunu ma lo; naa, la worona wemaplɛplɛzannu koo, fɛnu lé woo wo lɛdɔama koo, tɛrɛ ’ko la gunuti nwiinzannu koo, léli lɛrɛlɛrɛnu lé wo ke fɛna lorunu na koo, wo ma lé kaa buo sié.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

2 Piɛri 2:4

Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 12:8

Yé dragɔn valé ézé lanjenu guli dan Misɛlnu va yé wo ’ka mini lɛ Misɛlnu lɛ lo, yé wo nyanana ’ka kɛlɛ lɛ é dɛrɛ la gi lo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.