Wegɔɔnle 12:3 - Kazambale lé Sebe Sauunu 1979

³ Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 12:3 ပူးပေါင်းရင်းမြစ်များ

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Daniɛl 2:41

Bé ganelaanu valé a ganewɔlɛnu ye bɔtɛrɛ valé foliɛwɔlɛ nya é vɔɔle bɛ, ’bɛ gi léé, wo dan plale mi nwiin ’ko gi bɔi lɛ fié; naa, bé ye léé, foliɛwɔlɛ a é vɔɔle bɔtɛrɛ nya, ’bɛ gi léé, plɛplɛ do lé ke bélé foliɛwɔlɛ zé zo é dan kɛlɛ lɛ plale mi nwiin ’ko zé nya.

Daniɛl 2:42

Bé ye léé, a ganewɔlɛnu a foliɛwɔlɛ valé bɔtɛrɛ nya é vɔɔle, ’bɛ gi léé, plale mi nwiin ’ko, a lɛ do é dan kɛlɛ lɛ plɛplɛ yé a lɛ do é dan kɛlɛ lɛ é bubu.

Daniɛl 7:20

yé a béli vu lé wo ke a nwiin bɛ, ’té a béli koɛzan bɔra yé wa béli yaa so a ’lɛ, ’té a yuɛnu ke, ’té a ’léé ke we blɛnblɛn fe ’léé nya bɛ, yé ’té a blɛn mini é bɔlunu ta bɛ, é sɔ an lɛ léé, maa we ’konu gi ’ma.

Daniɛl 7:24

A béli vu ’ko a minwiinzan blɛn vu lé wo dan nwa lɛ bɛngɔnɔ ’ko gi, wo nya. A do é dan nwa lɛ ’bɛnu zuo; a dɔbɛ é dan si lɛ a vininzannu zé ma, yé é dan minwiinzan blɛn yaa zun lɛ.

Wegɔɔnle 12:1

Givuruwe do bɔra la gi: lezan doan ke, yiri a é wole a ma sɔ nya yé moné a a gane wuo yé monéné vu ta fié a a ’wuo ma tɔkoro nya.

Wegɔɔnle 12:13

Dragɔn a ye aan wo léé, wo ’é vuli tɛrɛ va, lezan lé é négɔné yaa, é a zuo bin.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 12:4

Lagi monénénu faa va, dé monéné a yaa, dragɔn woli a do ganaan a va, yé é a vuli tɛrɛ va yé a fié é voo. Yee dragɔn a é dɔle lezan lé é ke né yaana bɛ, a ma, léé, dé é né yaa tɔɔn yé ’é alé né mini.

Wegɔɔnle 12:7

Gulidanle kɛlɛ la gi. Misɛl valé élé lanjenu guli dan dragɔn va.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:1

A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.

Wegɔɔnle 13:2

Wi lé maa a ye, é a bélé kua zo; yé a ganenu a bélé wi blɛn urisi gane zo, yé a ’léé a bélé golizra ’léé zo. Dragɔn lé plɛplɛ koo, alé webleblin koo, alé se blɛn koo, é wo nɔ wi lɛ.

Wegɔɔnle 13:4

Dragɔn ézé plɛplɛ nɔ wi lɛ amalé wo dia ’wo bli la a ’lɛ, yé wo dia ’wo bli la wi ’lɛ é ziin, yé wo léé: Wi ’ko danmazan a kyɛɛn? De ɛ bɔalɛ léé, é guli dan a vaa?

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 16:13

Yé yo tiridɔlenu yaa lé wo ke bélé yolunu zo, maa wo ye bɔrana dragɔn koo, wi koo, viébalelayezan koo, wo ’léé.

Wegɔɔnle 17:12

Béli vu lé bé ye, wa minwiinzan vu nya. Wo ’ka tan bɛntɛrɛ ye lɛ lo, naa, wo kɛlɛle minwiinzan nya se kɛlɛ wo lɛ lɛrɛ do nya wi va.

Wegɔɔnle 17:16

Béli vu lé bé ye, wo valé wi, wo dan gɔnégini le za pa lɛ, yé wo dan ’bɛlé fɛnu faa si lɛ, yé wo dan ’bɛ poro lɛ, yé wo dan ’bɛ wi ble lɛ, yé wo dan ’bɛ kyɛ ble lɛ.

Wegɔɔnle 17:7

Lanje lé an lɛ léé: Mɛmalé i gi vuruu? Le valé wi lé é ke é nyanale a ta, ’té a ’wuo ke sɔrafié yé a béli ke vu bɛ, maa dan wolé weyɔɔle gi bɔra lɛ i lɛ.

Wegɔɔnle 19:12

A yuɛnu a bélé kyɛnɛnɛ zo; tɔkoro kiɛre a a ’wuo ma; yé wa tɔ gyɛ, tɔ lé dé é ’ka yeebozen nya lo, mi do kpen ’ka a dɔɔa lo, a nya.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.