Wegɔɔnle 12:10 - Kazambale lé Sebe Sauunu 1979

¹⁰ Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 12:10 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

JOB (Job) 1:11

Naa, ’i bɛ soi, bé mane fɛnu faa lé ke azé nya, wo ma. Maa gi dɔɔ léé, dé bé kɛlɛ a zo, é dan bale pa lɛ i ma iboen yuɛ va.

JOB (Job) 1:9

Yé Satan lé Gakelebale lɛ léé: Job éé kanaan Kazambale lee é plaa?

JOB (Job) 2:5

Naa, ’i bɛ soi, ’i bɛ mane a wɔlɛ valé a nɛ ma, maa gi dɔɔ léé, dé bé kɛlɛ a zo, é dan bale pa lɛ i ma iboen yuɛ va.

Lɛrɛvɔ Sɛbɛ 22:28

Munu lé wo ke tɛrɛ faa glɛ sina, wo dan ’wo bɔn‐in bɔrɔ lɛ Gakelebale ma, yé wo dan nɔla lɛ a vazia; Bɛn gi munu é dan dia lɛ i ’lɛ.

Lɛrɛvɔ Sɛbɛ 45:6

Ilé sawɔlɛnu lɛa; Munu é dan dia lɛ i wuo; Ilé sawɔlɛnu é dan minwiinzan blɛn nyanézannu zuru fɔn lɛ.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 6:10

ilé plale munu nwiin ’é da ma; fɛan zo lé woo ilé sɔlɛwe kɛla la gi na, a zo lé ’wa kɛlɛ tɛrɛ la ’ko ma.

WENÉNÉ LÉ LUK A GYE (Évangile selon Luc) 11:2

É lé wo lɛ léé: Dé ka a bazorona, ’ka fe ’ko zo: Ko Ti, munu ’é kana i tɔ ma ma; ilé plale munu nwiin ’é da ma.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

1 Korent munu 5:4

Ka valé an léli zén ékeva Mizan Jézu tɔ nya, ’té Kaazan Jézu lé plɛplɛ a kaa ta;

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Tite 2:3

’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 2:26

Mian we ’ko ’wuo vo a lɛ, ’té éé yara paan anlé we kɛlɛle ta fɔɔ yé é bɔ a ’wuoplana, maa dan a pla lɛ bɛnnu nwiin.

Wegɔɔnle 7:10

’Té woo siaan dére plɛplɛ nya léé: Bélile a kozé Bale lé é ke é nyanale webleblin ta, a lee, ’é valé ’Blané lee.