Wegɔɔnle 12:1 - Kazambale lé Sebe Sauunu 1979

¹ Givuruwe do bɔra la gi: lezan doan ke, yiri a é wole a ma sɔ nya yé moné a a gane wuo yé monéné vu ta fié a a ’wuo ma tɔkoro nya.

Wegɔɔnle 12:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Wegɔné Ma Lɛrɛ 6:10

De ɛ dan bélé tukinile zo bɛɛ? A nɔnɔmi a bélé moné lé, éé bié bélé yiri lé, Naa, é a kanamafɛ nya bélé sunya palunu lé woo dan ’wolé draponu wuo, wo zo. De léé? —

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 62:3

I dan bi lɛ nyananyana Gakelebale lee, bélé kyankoro zo. I dan kɛlɛ lɛ bélé minwiinzan blɛn lé nɔɔn zo, ilé Bale lee.

Zakari 9:16

’Bɛ yi la Gakelebale wolé Bale é dan wo si lɛ we gi Bélé alé munu lé trubɛ zo; Naa, wa fuaneé lé tɔkoro ma gɔlɛwezannu lé wo dan bi lɛ alé tɛrɛ la, wo nya.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 12:38

Sɛbɛgifemi kenu valé Farizimi kenu alé we bɔi a ta yé wo léé: Kozan, ko a a va léé, ’i tɔmase do kɛlɛ ko yuɛ va.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Maak 13:25

yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

WENÉNÉ LÉ LUK A GYE (Évangile selon Luc) 21:11

tɛrɛ ma é dan nyɔɔn lɛ blɛn, yé migyɛgyɛ é dan da lɛ yé lɔrɔ é dan dɔ lɛ fɛ kena; mi gi nyɛ kiniwe é dan kɛlɛ lɛ yé tɔmase blɛnnu é dan kɛlɛ lɛ la gi.

WENÉNÉ LÉ LUK A GYE (Évangile selon Luc) 21:25

Tɔmasenu é dan kɛlɛ lɛ yiri koo, moné koo, monénénu koo, wo ma. Tɛrɛ la ’ko, bɛnnu é dan nyané ble lɛ kaii, yé wɛyi nwale valé é vun wele blɛn lé we ma, munu ’ka wo dɔnama yé wo lee lo.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Kelewenu 2:19

Yé maa dan we blɛnblɛnnu bɔra lɛ la gi loru, ’té maa gyɛzorowenu kɛla tɛrɛ la, Nyɛ koo, kyɛ koo, kyɛgoi koo, woo lé.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Galasi munu 3:27

Ka faa lé wo ka batizéwo Krist gi, ka Krist zén ka ta sɔ zo.

Galasi munu 4:26

Naa, lagi loru Jérusalɛm a miné lu nya. Yee ɛ ke kaa bu nya.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Éfez munu 5:32

Weyɔɔle ’ko a blɛn. Maa we ’ko fé Krist valé léglizi lé we ma.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 12:3

Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 21:14

Fla gɔrɔ gane vɔna a vu ta fié yé wo ta lé ’Blané lé nwunvɔmunu vu ta fié tɔnu ke é gyɛle do do.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.