Wegɔɔnle 11:9 - Kazambale lé Sebe Sauunu 1979

⁹ Migɔnɔnu koo, bɛnnu koo, dérenu koo, bɛntɛrɛnu koo, wo vamunu é dan wo galenu ye lɛ yi yaa é buu yé wo ’ka dan dɔ lɛ a nyi wuo léé, wo wo paan lo.

Wegɔɔnle 11:9 ပူးပေါင်းရင်းမြစ်များ

1 Minwiinzannu 13:22

i nɔla yé i buru ble yé i ’yi mini fɛana lé maa a ma we fe i lɛ léé, té i buru ble ’bɛna lo, té i ’yi mini ’bɛna lo, ana, bɛwemalé i gale ’ka dan wɔra lɛ i tranu pana lo.

Bale Lé We Gifezan 6:3

Dé é kɛlɛ léé, mi do be a yɔ soru yé é lɛɛ kiɛre kɛlɛ tɛrɛ la, ’té alé tɛrɛlayinu gi éé goo gyɛle nya, dé é ’ka kan lɛ wezin nya pelo, ’bɛ ta loru, dé wo ’ka a vun kɛlɛ lɛ é nɔnɔmi lo, maa fe i lɛ, né sɛrɛle zé a néné é mini azé ta.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Matio 7:2

Bɛan zo lé i mi bɛ ma we blé, a bɛ duo gi lé wo dan i ma we ble lɛ. I fɛ no mi lɛ fɛan zo, a zo lé wo dan izé nɔ lɛ.

Wegɔɔnle 10:11

A zuo é lé an lɛ léé: É a lé i balelawe fe é ziin migɔnɔ kiɛrɛ koo, bɛntɛrɛnu koo, dérenu koo, minwiinmunu koo, wo ma we nya.

Wegɔɔnle 11:11

Yi yaa é buu zuo Kazambale lé flinle lé éé mi bélié, é dan zun lɛ wo ta yé wo nwa yé wo dɔ loru; yé kana blɛn é dan zén lɛ wo yemunu gi.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.

Wegɔɔnle 17:15

Yé é lé an lɛ léé: ’Yinu lé bé ye, ’té gɔnégini le ke é nyanale wo ta bɛ, wa migɔnɔnu koo, mi gunu koo, bɛnnu koo, dérenu koo, wo nya.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;