Wegɔɔnle 11:8 - Kazambale lé Sebe Sauunu 1979

⁸ Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

Wegɔɔnle 11:8 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 26:23

Yé wo Uri si Éjipiti tɛrɛ la, yé wo da a nya minwiinzan blɛn Jojakim va. ’Bɛ a gyɛ gwɔun nya, yé é a gale vuli mipana.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

Ézékiɛl 16:49

I buru Sɔdɔm lé weplenu lé ke ’ko: Boblɛn a a gi, ’té tɔnɔfɛ kiɛre a a lee, ’té é a éboma duaa, ’té gibɔrɔ do kpen ’ka a ma lo, yee valé é lunu nya, yé mi lé we tɔntɔn bɔ a ma, ’bɛ valé mi lé we do ’ka a lee lo, é ’ka bɔ lɛ wo va lo.

Ézékiɛl 23:19

É ’élé gɔnéginilenu gi gyɛ; é gi bɔrɔ é boroné la bléyi va we ma, bléyian va lé é gɔné gini Éjipiti tɛrɛ la, ’bɛ sele dɔ a gi.

Ézékiɛl 23:27

Maa dan ilé weple ’wuo dɔ lɛ, yee valé ilé Éjipiti gɔnéginilenu nya. I yuɛ ’ka dan bɔ lɛ wo ma é dɛrɛ lo; i ’ka dan i gi bɔrɔ lɛ Éjipiti munu ma é dɛrɛ lo.

Ézékiɛl 23:3

Wo gɔné gini Éjipiti tɛrɛ la; wo gɔné gini ’wo boroné la bléyi va. ’Bɛna lé wo wo nyɔ yéli, ’bɛna lé wo bɛ mane wo nyɔ toroné ma.

Ézékiɛl 23:8

Éjipiti munu yia a va a boroné la bléyi va; wo bɛ mane a nyɔ toroné ma, yé wo ’wolé leginile vɔ a lee, amalé é ’ka sɔn vɔ lɛ gɔné ginile ma wo va lo.

Ézékiɛl 37:11

É lé an lɛ léma: Blami be, mi wɔlɛ ’konu a Izraɛl munu faa nya. Bé ye, wo léé, ’wo wɔlɛnu a é gale, ’wo bli ’ka we lɛ é dɛrɛ lo, ’wa é sanle.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?

Ébrunu 13:12

Bɛwemalé Jézu é ziin, munu kɛlɛle sauun abozen nyɛ nya we gi lé é nyané ble flan nwun zi.

Ébrunu 6:6

dé wo diéra, ’té wa Kazambale Be gyɛna é ziin yiliblan ta yé wa yaragyɛwe bɔna a ma, bɛwemalé mi ’ka bɔa dale lɛ wo nya wo pa gi yé wo ’wo bli nɔla é dɛrɛ lo.

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 11:9

Migɔnɔnu koo, bɛnnu koo, dérenu koo, bɛntɛrɛnu koo, wo vamunu é dan wo galenu ye lɛ yi yaa é buu yé wo ’ka dan dɔ lɛ a nyi wuo léé, wo wo paan lo.

Wegɔɔnle 14:20

Wo kanagifɛ zɔn ’wo gane nya fla gini ma; yé nyɛ si kana gi yé a guru bɔ fɔɔ wisoo ’léé foliɛwɔlɛnu ma, yé é yoro fɔɔ yé é bɔ kilo wuru do yɔ ziɛn wɔlɛ vu ta suiɛdo.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Wegɔɔnle 17:18

Lezan lé bé ye, é a fla blɛn lé é ke é plale tɛrɛ la minwiinzannu nwiin, a nya.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?

Wegɔɔnle 18:18

yé wo siaa a kyɛblele goi yele we ma, yé wo léé: Fla blɛn dan?-?mafla lé é ke fla kyɛn nyaa?

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 18:21

Gɔlɛ blɛn lé é ke bélé fɛzɔngɔlɛ zo, lanje plɛplɛ do a si yé é a vuli wɛyi va yé é léé: ’Ko zo lé wo dan fla blɛn Babilɔn vuli lɛ plɛplɛ yé wo ’ka dan a ye lɛ é dɛrɛ lo.

Wegɔɔnle 18:24

yé balelayemunu koo, Kazambale lé munu koo, munu faa lé wo wo bɔrɔ bo tɛrɛ la koo, wo wo nyɛ ye bii Babilɔn ta, ’bɛzama.