Wegɔɔnle 11:3 - Kazambale lé Sebe Sauunu 1979

³ Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.

Wegɔɔnle 11:3 ပူးပေါင်းရင်းမြစ်များ

Wepélisiananu 37:34

Yé Jakɔb élé sɔnu fia yé é bɔlɔ dɔ é gyɛn, yé é mɔn ’é be gyɛ bona.

2 Samuɛl 3:31

David lé Joab valé é vamunu lɛ léé: ’Kalé sɔ fia, ’ka bɔlɔ dɔ ka gyɛn, ’ka Abinɛɛ wuvɔ. Yé minwiinzan David tawo a nyaa zuo.

1 Minwiinzannu 21:27

Akab dére ’konu ’ma Éli ta aan wo, élé sɔnu fia, yé é bɔlɔ zén é ta sɔ nya yé é lɔrɔ sɔn; é yii bɔlɔ ’ko nya é ta yé é tawo wɔɔɔ.

2 Minwiinzannu 19:1

Minwiinzan Ézékia we ’ko ’ma aan wo, ’élé sɔnu fia yé é bɔlɔ zén ’é ta, yé é go Gakelebale lé kɔn gi.

Minwiinzannu lé Wezuofe Sɛbɛ 21:16

David é yara nwa loru yé é Gakelebale lé lanje ye é dɔle tɛrɛ valé la méléna, ’té gwɔun a a lee ’é soile Jérusalɛm vazia. Yé David valé mi segelenu dia ’wo bli la, ’té bɔlɔ a é zénle wo ta.

Néémi 9:1

’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

JOB (Job) 16:15

Maa bɔlɔ béé, yé maa a zén an ta; An ’wuo wɔra vun gi.

Lɛrɛvɔ Sɛbɛ 69:11

An yuɛyi éé zanaan, yé an lɔrɔ sɔn‐o, Bɛwemalé woo serele boo an ma;

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Jérémi 1:10

Sin, maa i pla migɔnɔnu valé bɛntɛrɛnu nwiin, léé, ’i wo si wo dɔna, yé ’i wo gyɛ; ’i wo guru zana a gi yé ’i wo sɛrɛ tata; ’i wo dɔ ’wo dɔna yé ’i wo nyana ’wo pa gi.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Ézékiɛl 4:6

Ilé yi ’konu lɛ sɔɔle zuo, ’i yia i bɛyilazia, yé i dan Judanu lé weple kɛlɛle kɔné si lɛ yi yɔ fié. Yi do a lɛɛ do zé nya.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 8:14

Yé é lé an lɛ léma: Nyanadi valé bladi baa do wuru do yɔ soru giéle zuo lé fɛna plɛplɛ gi é dan kɛlɛ lɛ tegele.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Jonas 3:5

É dɔ Ninive munu gi léé, Bale dére a weboen nya, yé wo lɔrɔ sɔnle zana dɔɔ yé wo bɔlɔ zén ’wo ta, é sia mi segelenu ma yé é bɔ nunukénénénu ma, wo faa lé.

Jonas 3:8

É a lé munu valé winu é bɔlɔ zén ’wo ta, yé ’wo siaa Bale lɛ dére plɛplɛ nya. Yé weplenu valé glawenu lé wa kɛlɛ, ’wo faa daan ’bɛ kɛlɛle ma.

Mi Nɔnɔle 11:26

Mi fié ana, wa do laama Eldad, yé wa koɛzan laama Médad. Wo vo sɔkɔn dɔna, yé léli zén wo ta ’bɛna. Wo tɔ a é gyɛle sɛbɛ ta, naa, wo ’ka go lɛ Bale lé sɔkɔn ’léé lo; wo balelawe fe sɔkɔn dɔna.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

Matio 18:16

Naa, dé é ’ka i dére ’ma lɛ lo, dé mi do léé, dé mi fié léé, ’ka go wo nya a va, we faa yuɛ gi bole we gi, dé wenayezan fié léé, dé wenayezan yaa léé, wo dére la.

WENÉNÉ LÉ LUK A GYE (Évangile selon Luc) 10:13

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu wo bli nɔla namɔn é kwakwa ’plawuli valé kyɛyee zénle nya wo ta.

WENÉNÉ LÉ LUK A GYE (Évangile selon Luc) 24:48

Ka a we ’konu nayezannu nya.

WENÉNÉ LE JAN A GYE (Évangile selon Jean) 15:27

é sia a pélisiana ka a an va, bɛwemalé ka é ziin, ka dan anlé we fe lɛ.

WENÉNÉ LE JAN A GYE (Évangile selon Jean) 3:27

Jan léé: Dé Bale ’ka fɛ nɔ lɛ mi lɛ lo, é ’ka bɔa fɛ yele lɛ lo.

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

Kelewenu 13:31

Munu lé yee valé ’bɛnu si Galilé tɛrɛ la yé wo go Jérusalɛm ’bɛnu nya, ébo nagɔɔn ’bɛnu ɛ lɛ yi kiɛre wuo, yé ’bɛnu ɛ kɛlɛ alé wenayemunu nya munu va.

Kelewenu 2:32

Jézu ’ko lé Kazambale a nwa. Ko faa a anayezannu nya.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

1 Korent munu 12:28

Yé Kazambale munu dɔ léglizi gi ’ko zo: a vininzannu a nwunvɔzannu nya; a fiézannu a balelayemunu nya; a yaazannu a wepaamigizannu nya; ’bɛ zuo, munu lé, gyɛzorowe kɛlɛle blɛ ke wo lee; ’bɛ zuo, munu lé, mi bélile koo, bɔle mi va koo, kɛlɛle mi ’lɛzannu nya koo, dére kiɛre vɔle koo, ’bɛ blɛnu ke wo lee, woo lé.

2 Korɛnt Munu 13:1

Maa a gona ka va a gɔnɔ yaazan nya. Wo dan we faa yuɛ gi bo lɛ, dé wenayezan fié léé, dé wenayezan yaa léé, wo dére ta.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Bélidɔwesɛbɛ Fiézan 17:6

Mi lé a ga yara lé, wo dan a gyɛ lɛ wenayezan fié valé yaa dére ta; té ’wa gyɛ wenayezan do kpen dére ta lo.

Bélidɔwesɛbɛ Fiézan 19:15

Dé mi do a fe léé, mi do we lɛrɛlɛrɛ kɛlɛ, ɛɛ, é wenyané kɛlɛ, té ka dɔ wenayezan do dére ta lo; woo we dɔɔan wenayezan fié valé yaa dére ma.

Wegɔɔnle 11:2

Naa, wo Balebangikɔn zi gɔrɔ gi nɔ bɛnnu lɛ, amalé ’i ’bɛ vo, té i ’bɛ dan lo, yé bɛnnu é dan fla sauun zɔn lɛ ’wo gane nya moné yɔ fié wɔlɛ fié.

Wegɔɔnle 11:6

A se a wo lɛ léé, wo la lɛ tan, té lɛɛ é da wolé balelawefe yinu ta lo we gi; yé dé é sɔ wo lɛ léé, ’wo ’yinu nɔla nyɛ nya bléyioo bléyian va, a se a wo lɛ; dé é sɔ wo lɛ léé, ’wo tɛrɛ gyɛ migyɛgyɛ gɔnɔ faa nya bléyioo bléyian va, a se a wo lɛ.

Wegɔɔnle 12:6

Yé lezan vɔ fli gi yé é go bwi gi, fɛna lé Kazambale a ma’lɛrɛ azé nya, ana, yé wo fɛblele nɔ a lɛ ’bɛna yi wuru suiɛdo yi yɔ yaa.

Wegɔɔnle 13:5

Yé wo zi nɔ wi lɛ léé, ’é dére blɛnblɛn valé Bale sɔnɔdére fe; yé wa se kɛlɛ a lɛ léé, ’é we kɛlɛ moné yɔ fié wɔlɛ fié nya.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.