Wegɔɔnle 11:2 - Kazambale lé Sebe Sauunu 1979

² Naa, wo Balebangikɔn zi gɔrɔ gi nɔ bɛnnu lɛ, amalé ’i ’bɛ vo, té i ’bɛ dan lo, yé bɛnnu é dan fla sauun zɔn lɛ ’wo gane nya moné yɔ fié wɔlɛ fié.

Wegɔɔnle 11:2 ပူးပေါင်းရင်းမြစ်များ

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Jérémi Lé Wuvɔ Sɛbɛ 1:10

Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Ézékiɛl 4:6

Ilé yi ’konu lɛ sɔɔle zuo, ’i yia i bɛyilazia, yé i dan Judanu lé weple kɛlɛle kɔné si lɛ yi yɔ fié. Yi do a lɛɛ do zé nya.

Ézékiɛl 42:20

Gɔrɔguru lé é kɔn ’ko zi lɛ sɔɔ, é a dan é bɛ ziɛn la; a zuo torole kɛlɛ fɛdanmayili nya wuru fié yɔ soru, yé a laala kɛlɛ fɛdanmayili nya wuru fié yɔ soru; gɔrɔguru ’ko a fɛna ’lɛzan valé fɛna pla glɛ nya.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 7:19

’Bɛ zuo, é sɔ an lɛ léé, an wi ziɛnzan ’ko lé we gi ’ma pɛnpɛn, ’té a dɔbɛ ke é sile é bɔlunu faa ma, ’té éé di kinié mi gi, ’té a suiɛnu a foliɛwɔlɛ nya, ’té a sɔnéwɔlɛnu a zéné nya bɛ, ’té éé fɛ blé, ’té éé fɛ ’wiié, ’té a pɔné lé ’bɛ vo, éé ’bɛ zɔn‐o é gane nya bɛ,

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 8:10

A béli kiéné ’ko nwa fɔɔ lai sunyanu va. É wo lɛ do dia tɛrɛ va, yé é monénénu lɛ do dia tɛrɛ va yé é wo zɔn é gane nya.

Daniɛl 8:13

An mi sauun do dére ’ma wefena, yé mi sauun do lé wefezan lɛ léé: Balebanwi lé wa kyɛ blé ’té wa no yifaama, é valé wenyané lé éé we sɛra, yuɛziwe lé wa ye wolé we ma, a lɛ é dan sɔɔ lɛ bléyi kyɛɛn vaa? Wo dan daan lɛ fɛna plɛplɛ valé lai sunyanu zɔnle ma wo gane nya bléyi kyɛɛn vaa?

Daniɛl 8:14

Yé é lé an lɛ léma: Nyanadi valé bladi baa do wuru do yɔ soru giéle zuo lé fɛna plɛplɛ gi é dan kɛlɛ lɛ tegele.

Mi Nɔnɔle 14:34

Fɛan zo lé ka vo tɛrɛ naginina yi yɔ fié wuo, a zo duo lé ka dan lɛɛ yɔ fié kɛlɛ lɛ kalé weplenu ma, yi do lɛɛ do; yé dé ’é kɛlɛle ka va vuru ka ma, ka dan we ’ko dɔɔ lɛ.

Matio 27:53

Dé Jézu nwa gale va faa wo si ’wo vun gi, yé wo go fla sauun ta, yé wo bɔra mi kiɛre yuɛ va.

Matio 4:5

Yonufaatagɔné go a nya fla sauun ta, yé é a vɔ Balebangikɔn nwiin loru yé é lé a lɛ léé:

Matio 5:13

Ka a tɛrɛlamunu ma wɛ nya. Dé wɛ néné si é ma ’naan, mɛ fɛ nya lé wa kɛla nénéé? Wo ’ka we do kɛla a nya é dɛrɛ lo; wa vulian béera yé munu a zɔn‐o ’wo gane nya.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Wegɔɔnle 11:11

Yi yaa é buu zuo Kazambale lé flinle lé éé mi bélié, é dan zun lɛ wo ta yé wo nwa yé wo dɔ loru; yé kana blɛn é dan zén lɛ wo yemunu gi.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.

Wegɔɔnle 12:6

Yé lezan vɔ fli gi yé é go bwi gi, fɛna lé Kazambale a ma’lɛrɛ azé nya, ana, yé wo fɛblele nɔ a lɛ ’bɛna yi wuru suiɛdo yi yɔ yaa.

Wegɔɔnle 21:10

Yé an si an pɔlɛ gi yé an nɔla miléli nya, yé é go an nya gɔ blɛn torole nwiin. Yé fla sauun lé ke Jérusalɛm lé, é si la gi Kazambale va yé é zun, a nya, é a nagɔɔn an lɛ.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 22:19

Dé mian é dére kenu si sɛbɛ ’ko lé balelaye wenu va, mibéliyili valé fla sauun lé, wo wolé we gyɛ sɛbɛ ’ko gi, Kazambale é dan azé si lɛ a lee.