Wegɔɔnle 11:19 - Kazambale lé Sebe Sauunu 1979

¹⁹ Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 11:19 ပူးပေါင်းရင်းမြစ်များ

Lɛrɛvɔ Sɛbɛ 105:32

É goowɔlɛlɛɛ pa zia lɛɛ pa gi, Yé é kyɛnɛnɛnu bi wolé tɛrɛ la,

Lɛrɛvɔ Sɛbɛ 18:12

É gunutinu kɛlɛ é yɔɔna nya, sɔkɔn lé ke é dirile a zi, a nya, Yé ’yi lé ke é ti, é valé latinu, wa ta diri.

Ézai 28:2

Ka yua, mi plɛplɛ lé Mizan a pa zia, yee lé é dan bɛ; é a dana bélé goowɔlɛlɛɛ dale zo, bélé fɛsɛrɛfu plɛplɛ zo, bélé lɛɛ blɛn lé é da yé é ’yiyoro kiɛre so, a zo. Bale tɔkoro ’ko dia tɛrɛ va gla nya.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 32:19

Naa, goowɔlɛlɛɛ é dan pɔrɔ guru zana lɛ a gi, yé fla é dan zun lɛ baa.

Ézékiɛl 13:11

Munu lé wa mawoo, bé fe wo lɛ léé: É dan zana lɛ a gi; lɛɛ plɛplɛ do é dan da lɛ; yé ’kaa goowɔlɛlɛɛ punpunnu, ka dan dia lɛ yé fu ’lɛ plɛplɛ é dan bɔra lɛ fiaa.

Ézékiɛl 13:13

Bɛwemalé, Mizan Gakelebale léma: An wɛwɛ dɔle zi, maa dan fu ’lɛ plɛplɛ gié lɛ; anlé bliflile zi maa dan lɛɛ plɛplɛ da lɛ; yé an dan goowɔlɛlɛɛ punpunnu dia lɛ an wɛwɛ dɔle nya léé, ’é fɛ sɛrɛ.

Ézékiɛl 38:22

Maa dan dɔra lɛ a ta bawurumagyɛ koo, nyɛ zanale koo, lɛɛ ’lɛ plɛplɛ koo, goowɔlɛlɛɛ lé ke gɔlɛ zo koo, wo nya. Maa dan kyɛ valé povun zén lɛ yee valé élé sunyanu koo, mi kiɛre lé wo ke a va koo, wo ta, bélé lɛɛ zo.

Mi Nɔnɔle 10:33

Wo si Gakelebale lé gɔ nwiin yé wo tawo yi yaa. Gakelebale lé gipawe pagikɛsu go wo ’lɛ. Wo tawo yi yaa wo nyanana naginile we ma.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 4:5

Dé wo zén ta va bléyian va, Arɔn valé é benu é dan sɔ si lɛ ana, yé wa zén gipawe pagikɛsu ta.

Jozué 10:11

Bléyian va lé wo kini ékema Izraɛlnu ’lɛ yé wo zun zi lé é si Bɛt‐Orɔn, a ta, Gakelebale gɔlɛ blɛnnu dia wo ta fɔɔ Azéka yé wo ga; wo lé wo ga goowɔlɛlɛɛ nya wo kɛlɛ kiɛre é mini wo lé Izraɛlnu wo gyɛ gwɔun nya, wo ta.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 12:1

Givuruwe do bɔra la gi: lezan doan ke, yiri a é wole a ma sɔ nya yé moné a a gane wuo yé monéné vu ta fié a a ’wuo ma tɔkoro nya.

Wegɔɔnle 16:1

Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.

Wegɔɔnle 16:18

Yé lɛɛ yuɛ wuo vɔ, ’té dérenu éé wé, ’té zagelenu éé baan, ’té tɛrɛ ma éé nyɔɔn‐an. É sia mi bɔrale tɛrɛ la ma, ’bɛ zoɛ tɛrɛ ma ’ka tan nyɔɔn lɛ do lo.

Wegɔɔnle 16:21

Goowɔlɛlɛɛ blɛn si la gi yé é dia munu ta. A wɔlɛ do bɛn éé kilo sian yɔ fié. Migyɛgyɛ ’ko a blɛɛn, amalé munu Kazambale sɔnɔ mi gyɛ goowɔlɛlɛɛ lé we ma.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 7:15

Bɛwemalé wo ke Kazambale lé webleblin ’lɛ, ’té wa bɔa bladi nyanadi Balebangikɔn gi. Webleblin tazan é dan élé sɔkɔn dɔ lɛ wo ta;

Wegɔɔnle 8:5

Yé lanje lasikɔrɔ kyɛblégi kyanbɔ si, yé é a fan balebanna ta kyɛ nyɛ nya yé é a vuli tɛrɛ va. Yé dérenu we, ’té zagelenu éé baan, ’té lɛɛ éé yuɛ wuo vɔa, ’té tɛrɛ ma éé nyɔɔn‐an.

Wegɔɔnle 8:7

A vininzan béli fɛn, yé goowɔlɛlɛɛ valé kyɛ lé ke é vɔɔle nyɛ nya, wo wo vuli tɛrɛ va; yé tɛrɛ fén yaazan kyɛ ble, yé tɛrɛ faa la, yili yaa yaa va, yili do do kyɛ ble, yé lu drɔɔdrɔɔ faa kyɛ ble.