Wegɔɔnle 11:17 - Kazambale lé Sebe Sauunu 1979

¹⁷ Mizambale, Plɛplɛfaazan, bii lé i ke, ’té i ke ana é kyɛn, ko i bɔ vɔa léé, i kun sin izé plɛplɛ nagɔɔnle ma, yé i kun plale ma munu nwiin.

Wegɔɔnle 11:17 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Lɛrɛvɔ Sɛbɛ 21:13

Yé i wo nwunzi dɔ i ta, Yé i dan sa vɔ lɛ wo ma.

Lɛrɛvɔ Sɛbɛ 57:11

Naa, ilé zin éé bɔa fɔɔ la ma, Yé i yarapale we ta éé bɔa fɔɔ latinu la.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Daniɛl 2:23

An tranu lé Bale, maa i tɔ zin fe yé maa i bɔ vɔa léé, i wedɔɔle valé plɛplɛ nɔ an lɛ, yé we lé ko a laa i lee, bé nagɔɔn an lɛ, yé i minwiinzan blɛn lé we yɔɔle gi bɔra ko lɛ.

Daniɛl 6:10

Daniɛl a ’ma aan wo léé, wo bélidɔwe ’ko gyɛ, é go élé kɔn gi kɔn ta loru kɔnmi lé alé fɛnɛtinu lɛ ke é sole Jérusalɛm vazia, a gi; yé yi do gɔnɔ yaa éé zunwo é powuo la, ’té éé bazoroan, ’té élé Bale tɔ zin fé bélé fɛan zo lé éé a kɛla é kyɛn, a zo.

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

WENÉNÉ LÉ LUK A GYE (Évangile selon Luc) 10:21

A bléyi duo nya Léli Sauun Jézu fan gi nanale nya yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ wedɔɔzannu valé ’wuoatazannu ma yé i wo nagɔɔn nénu lɛ. Iin, an Ti, maa i tɔ zin fé léé, bii a a va léé, ’é kɛlɛ ’bɛ zo.

WENÉNÉ LE JAN A GYE (Évangile selon Jean) 11:41

Yé wo gɔlɛ si a ’léé. Yé Jézu é yara nwa loru yé é léé: An Ti, i an dére nyi si, amalé maa i bɔ vɔ.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 9:15

’Wo Kazambale bɔ vɔ, blɛ lé é a kɛlɛ kaa lɛ, ’té a gifedére ’ka bɛ lo, alé we ma.

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 16:5

Maa ’yinu lé lanje dére ’ma, ’té éé a fé léé: Bii lé i ke, bii lé i ke é kyɛn, bii lé i ke sauun, i we ’konu ble é blena, amalé i a tegele.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 18:8

Bɛwemalé, yi do nya bawurumawe ’konu é dan bɔ lɛ a ma: ga koo, gyɛbole koo, lɔrɔ koo, woo lé, yé a kyɛ é dan ble lɛ. Mizambale lé, é alé we ble, é a plɛplɛ.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.