Wegɔɔnle 11:15 - Kazambale lé Sebe Sauunu 1979

¹⁵ Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 11:15 ပူးပေါင်းရင်းမြစ်များ

Lɛrɛvɔ Sɛbɛ 110:4

Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

Lɛrɛvɔ Sɛbɛ 146:10

Gakelebale éé plaan munu nwiin lɛɛfaama, a glɛ ’ka lo, Oo Siɔn, izé Bale é dan vo lɛ ana lɛɛfaama, a glɛ ’ka lo. ’Ka Gakelebale tɔ zin fe.

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Lɛrɛvɔ Sɛbɛ 72:11

Minwiinzan blɛnnu faa wo dan dia lɛ a ’lɛ, Bɛnnu faa é dan a bɔ lɛ.

Lɛrɛvɔ Sɛbɛ 82:8

Baleoo, Bale, ’i nwa, ’i tɛrɛlamunu lé we ble. Naa, bɛnnu faa a izé nya.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Fwile 15:18

Gakelebale é dan pla lɛ munu nwiin lɛɛfaama, a glɛ ’ka lo.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 55:5

Bé ye, bɛnnu lé i ’ka wo dɔɔa lo, i dan wo laa lɛ, Yé bɛnnu lé wo ’ka i dɔɔa lo, wo dan go lɛ vlan nya i va, Gakelebale, ilé Bale lé we ma, Izraɛl lé Mi Sauun lé éé i tɔ kɛla blɛn, ’bɛ lé we ma.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Ézékiɛl 47:5

’Bɛ zuo é a dan é ziin mɛtrɛ wuru fié yɔ soru, yé é a ’yiyoro plɛplɛ lé an ’ka bɔa giéle lɛ a va lo, a nya. Naa, ’yi ’ko guru a kaii, amalé é a lé wo pa a ta. ’Yiyoro lé mi ’ka bɔa a kinile lɛ lo, yee lé.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

OZÉ (Osée) 2:23

Gakelebale léma: ’Bɛ yi la, maa dan lanu dére ’ma lɛ, yé wo dan tɛrɛ dére ’ma lɛ,

Abudias 1:21

Mi siéwegizannu é dan vɔ lɛ Siɔn gɔ nwiin, Ézau lé gɔ la munu lé weblele we ma; Yé Gakelebale é dan pla lɛ munu nwiin.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LÉ LUK A GYE (Évangile selon Luc) 1:33

É dan pla lɛ Jakɔb gɔnɔlamunu faa nwiin lɛɛfaama, yé a plale munu nwiin glɛ ’ka dan dɔ lɛ lo.

WENÉNÉ LÉ LUK A GYE (Évangile selon Luc) 15:10

A zo duo lé, maa fe ka lɛ, dé wenyanékɛlɛzan do kpen é bli nɔla, la gi munu faa gi é dan nana lɛ Kazambale lé lanjenu va, alé we ma.

WENÉNÉ LÉ LUK A GYE (Évangile selon Luc) 15:6

yé dé é bɔ kɔn ’léé, yé é é béénu valé é punma munu laan yé é lé wo lɛ léé: Anlé ’bla lé é san an lee, maa a ye, amalé ka gi ’é nana an va ma. É ’ka yee ɛ zo loo?

Kelewenu 4:26

Tɛrɛ la minwiinzannu nwa yé tɛrɛzannu ’wo péli vɔ do Mizambale valé élé nyɔnɔzén?-?nwiinzan ma.

Ébrunu 1:8

Naa, é lé é Be lɛ léé: Bale, wo ’ka dan ilé webleblin si lɛ i lee monomono lo. Ilé plaminwiin soowoli vwii a we tegele vwii nya;

Wegɔɔnle 10:7

naa, lanje sɔrafiézan lé wefeyi nya, dé é béli fɛn, Kazambale lé weyɔɔle lɛ é dan sɔɔ lɛ, bélé fɛan zo lé é a fe é wuomunu balelayemunu lɛ, a zo.

Wegɔɔnle 12:10

Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 16:17

A sɔrafiézan ’élé kana gi bliflile zén la worona. Yé dére plɛplɛ si webleblin va fɛna sauun na, yé é léé: A kɛlɛle nyaa.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:1

’Bɛ zuo, maa vun do ’ma la gi bélé mi gu blɛn dére plɛplɛ zo, ’té éé siaan léé: Aléluya! Mi sile we gi koo, tɔbɔle koo, plɛplɛ koo, wa kolé Bale zé nya;

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.

Wegɔɔnle 9:1

Lanje soruzan béli fɛn, yé maa monéné do ye sina la gi, yé é dia tɛrɛ va. Guru lé a wɔlɛ ma nyaana ’ka lo, wo alé lakléwɔlɛ nɔ yee monéné lɛ,

Wegɔɔnle 9:13

Lanje suiɛdozan béli fɛn, yé maa dére do ’ma sina balebanna lé wa kɛlɛ kyan nya, ’té é ke Kazambale ’lɛ, a béli ziɛn gi,