Wegɔɔnle 11:10 - Kazambale lé Sebe Sauunu 1979

¹⁰ Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.

Wegɔɔnle 11:10 ပူးပေါင်းရင်းမြစ်များ

1 Minwiinzannu 18:17

É a ye tɔɔn é léé: Bii lé i we tɔntɔn bɔ Izraɛl ma, bii léé?

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

1 Minwiinzannu 22:18

Izraɛl nwiinzan lé Jozafat lɛ léé: Maa ’ka a fe lɛ i lɛ loo? É ’ka balelawe néné fé an lɛ lo, é balelawe naané saa ɛ fé.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

Lɛrɛvɔ Sɛbɛ 13:4

Gakelebale, anlé Bale, ’bé nagini, yé bé zi pa an lɛ. ’I yi kele an yuɛ ma Léé, té an gayi gyɛ lo,

Lɛrɛvɔ Sɛbɛ 35:19

Munu lé an sɛrɛ wo gi, ’té wo ke an nyanézannu nya, té wo gi é nana an ma lo, Yé munu lé woo an za paan é pla, té wo yara kplililii bo an ma, an sɔnɔle nya lo.

Lɛrɛvɔ Sɛbɛ 89:42

Giézannu faa alé fɛnu sian; A punmazannu a ye naaninvɔmafɛ nya.

Wegɔnévɔlenu 24:17

Té i nyanézan diale é i gi nana lo, yé dé a sɔnéwɔlɛ san, té ’bɛ é sɔ i lɛ i bli gi lo,

Jérémi 38:4

Yé minwiinzannu lé minwiinzan blɛn lɛ léé: ’Wo mi ’ko gyɛ ma. Naa, gulidanmunu lé wo ke fla ’ko la, é valé munu faa, éé wo fuu sié wo ta ’bɛ zoɛ wefele nya. Mi ’ko ’ka we zin ginina munu ’ko zé nya lo; é a we tɔntɔn ɛ va wozé nya.

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Abudias 1:12

Té i gi é nana i bwe lé nyanébleyi nya lo; yian nya lé we tɔntɔn bɔ a ma, té i gi é nana lo. Yian nya lé Juda munu lé fɛna vo é ’bin nya, té i gi é nana ’bɛ ma lo. Wolé klebleyi nya, té i ’léé blɛnblɛn vɔ wo ma lo.

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Kelewenu 5:33

Webolikinimunu bli fli dére ’konu ma é baba, yé é sɔ wo lɛ léé, ’wo wo gya.

1 Korent munu 13:6

a gi ’ka nanaan weple ma lo, naa, a gi éé nanaan webozen ɛ ma.

Wegɔɔnle 12:13

Dragɔn a ye aan wo léé, wo ’é vuli tɛrɛ va, lezan lé é négɔné yaa, é a zuo bin.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 16:10

A soruzan ’élé kana gi bliflile zén wi lé fuablin ta. Gunu dɔra alé bɛntɛrɛ ta; yé wolé nyanéblelenu zi munu vo suiɛdɔna ’wo nɛnɛ ma,

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.