Wegɔɔnle 10:5 - Kazambale lé Sebe Sauunu 1979

⁵ Yé lanje lé maa a ye é dɔle wɛyi valé tɛrɛ la, é bɛyi nwa loru,

Wegɔɔnle 10:5 ပူးပေါင်းရင်းမြစ်များ

Wepélisiananu 14:22

Abram lé Sɔdɔm mununwiinzan lɛ léé: Maa bɛ nwa lagi zia, Gakelebale vazia, yee ɛ ke Lagibale nya, yee ɛ ke la valé tɛrɛzan nya;

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

Lɛrɛvɔ Sɛbɛ 146:5

Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Fwile 20:11

Lanu valé é gifɛnu koo, tɛrɛ valé é tafɛnu koo, wɛyi valé é vafɛnu koo, Gakelebale wo kɛlɛ yi suiɛdo wuo, yé é flin a yi sɔrafiézan nya; bɛwemalé Gakelebale flinyi drɔɔ vo yé é a pa é yɛrama.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Ézékiɛl 20:15

Maa anbo ’nyɔɔn an bɛ nwale nya bwi gi léé, maa ’ka dan go lɛ wo nya tɛrɛ lé maa si a va wozé nya bɛ, a ta lo; tɛrɛ nyɔnɔzan lé é ke é zima é mini tɛrɛnu faa ta, yee lé.

Ézékiɛl 20:23

Maa anbo ’nyɔɔn wo lɛ an bɛ nwale nya bwi gi léé, maa dan wo nwɛɛn lɛ bɛngɔnɔnu méléna, yé maa dan wo sɔɔla lɛ bɛntɛrɛ do donu ta.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:42

Tɛrɛ lé maa anbo ’nyɔɔn léé, maa dan a nɔ lɛ ka tranu lɛ, Izraɛl tɛrɛ, dé maa go ka nya yee tɛrɛ ’ko ta, ka dan a gi dɔɔ lɛ léé, maa ɛ ke Gakelebale nya.

Ézékiɛl 20:5

Bé fe wo lɛ léma: Mizan, Gakelebale léma: Yian nya lé maa Izraɛl si a va, ’bɛ yi nya lé maa anbo ’nyɔɔn an bɛ nwale nya Jakɔb kulunu lɛ, yé maa anbo nagɔɔn wo lɛ Éjipiti tɛrɛ la; yé maa anbo ’nyɔɔn an bɛ nwale nya wo lɛ, yé maa léé, maa lé ke Gakelebale, kalé Bale nya.

Ézékiɛl 36:7

Amalé Mizan Gakelebale léma: An bɛlaa nwa ’ko; bɛntɛrɛnu lé wo ke ka zi, wobo lé yaragyɛwe é dan bɔ lɛ wo ma.

Ézékiɛl 47:14

Ka faa do do zé é dan kɛlɛ lɛ, naa, maa anbo ’nyɔɔn an bɛ nwale nya léé, maa dan a nɔ lɛ ka tranu lɛ. Amalé wo dan yee tɛrɛ ’ko guli lɛ ka ma.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 17:23

Maa a giéna aan wo kalé fla, yé fɛnu lé ka wo bɔa, dé maa wo nagini maa balebanna do ye, yé ka a gyɛ a ta léé: Bale lé, munu ’ka a dɔɔa lo, a banna lé. Fɛ lé ka a bɔa, ’té ka ’ka a dɔɔa lo, yee lé maa ke alé we fena ka lɛ.

Rom munu 1:20

Weboen lé, Kazambale lé plɛplɛ lé a glɛ ’ka lo, é valé yee Bale dɔbɛ, mi ’ka wo yé ’é yuɛ nya lo, naa duowo, é sia tɛrɛ bɔra bléyi va, wo ta a é bɔrale wéiin; dé mi ’é gi bɔrɔ Kazambale kɛlɛwenu ma, éé Bale lé plɛplɛ valé a dɔbɛ yé kpaklaa, amalé munu dɔna ’ka lo.

Bélidɔwesɛbɛ Fiézan 32:40

Naa, maa an bɛ nwa la vazia, Yé maa léé: Maa a é yuɛma lɛɛfaama, ’bɛ glɛ ’ka lo.

Ébrunu 6:13

Kazambale blivolɛdére fe aan wo Abraam lɛ, fɛ do lé é ke blɛn yé é mini yeebozen ta, é ’ka ’bɛ ye lɛ yé é ’bɛ ’nyɔɔn lo, bɛwemalé é ’ébozen ’nyɔɔn,

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 10:2

Sɛbɛ kiéné do a a lee ’é lɛ nya é sole. É bɛyila gane dɔra wɛyi ta, yé é bɛbola gane dɔra tɛrɛ la;

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 16:17

A sɔrafiézan ’élé kana gi bliflile zén la worona. Yé dére plɛplɛ si webleblin va fɛna sauun na, yé é léé: A kɛlɛle nyaa.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,