Wegɔɔnle 1:9 - Kazambale lé Sebe Sauunu 1979

⁹ Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 1:9 ပူးပေါင်းရင်းမြစ်များ

Matio 20:23

É lé wo lɛ léé: Webozen lé, ka dan ’yi mini lɛ anlé kana gi, naa, nyanale an bɛyila valé an bɛbola, ’bɛ nɔle ’ka sié an va lo. An Ti é dan a nɔ lɛ munu lé é a tadɔ wozé nya, wo ɛ lɛ.

Maak 10:39

Yé wo léé: Ko bɔalɛ. Jézu lé wo lɛ léé: Webozen lé, kana lé an dan ’yi mini lɛ a gi, a gi lé ka dan ’yi mini lɛ; yé wo dan an batizéwo lɛ bɛan gi, yee bɛ duo gi lé wo dan ka batizéwo lɛ é ziin.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

Kelewenu 1:15

’Bɛ bléyi va, bwenu lé wo ke é zénle ékeva, dé wa mi yɔ suiɛdo? yé Piɛri nwa wo méléna yé é léé:

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

2 Korɛnt Munu 1:7

Ko bli a ka lɛ boenwo; ko gi dɔɔ léé, kazé a kleblele va fɛan zo, a zo duo lé kazé a tɔrɔpaale va é ziin.

Filip munu 1:7

An pale a ta yara lé; ka sɔ an lɛ, dé maa a bokɔngi gɔgɔbale nya an maoo, dé an lɔlu dɔ Wenéné gi plɛplɛoo, dé maa a Wenéné suni wɔranaoo, zin lé Bale a kɛlɛ an lɛ nyanama ’konu pale nya, yee zin duo lé Bale a kɛlɛ ka lɛ, amalé an pale a ta yara lé.

Filip munu 4:14

Naa, kalé nyanéblele an va a wezin nya duowo.

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.

2 Timoté 1:8

Bɛwemalé té yara i gyɛ Kaazan lé we fele ma monomono lo; té yara i gyɛ maa alé bokɔngizan lé we ma lo. Naa, ’i nyané ble an va Wenéné lé we ma Kazambale lé plɛplɛ nya ma.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:2

Bale dére koo, Jézu Krist lé wefele koo, we faa lé maa a ye koo, maa wo fe.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 11:7

Dé wolé wenayedére fele lɛ sɔɔ, wi lé é dan si lɛ guru gi, é dan guli dan lɛ wo va yé é wo kele, yé é wo gyɛ.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 6:9

É zɔrɔkaanyɔɔ soruzan bɔi aan wo, munu lé wo wo gyɛ Kazambale dére valé wolé wenayedére fele ma, maa wo boennu ye balebanna wuo.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.