Wegɔɔnle 1:8 - Kazambale lé Sebe Sauunu 1979

⁸ Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 1:8 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 43:14

Plɛplɛfaazan Bale ’é ka kɛlɛ mi zinnu nya mi ’ko yuɛ gi ma; ’é daan ka bwe koɛzan valé Bɛnjamɛn ma, yé ’wo da é ziin ka va ma. Yé maa, dé anlé nénu vuru an ma, ’té an vuru é wo wo gi.

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

Wepélisiananu 49:25

I ti lé Bale é dan bɔ lɛ i va, Plɛplɛfaazan Bale lé zin zi, é dan i drɔɔ vo lɛ; É dan i drɔɔ vo lɛ lagi loru drɔɔ vole nya; É dan i drɔɔ vo lɛ ’yi wuo drɔɔ vole nya; É dan i drɔɔ vo lɛ nyɔ valé bɔn drɔɔ vole nya;

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Ézai 41:4

De ɛ we ’konu kɛlɛ yé é wo lɛ sɔɔ? Mi lé é migɔnɔnu bɔra a pélisia bléyi va, Maa, Gakelebale lé; maa a é vinin, Yé maa a an dɔbɛ gi fɔɔ yé tɛrɛla é nyaa a zo.

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 48:12

Jakɔb, ’i tɔné dɔ an lɛ. Bii Izraɛl lé maa i laa, ’i tɔné dɔ an an lɛ. Maa, maa lé ke a vininzan nya, Yé maa lé ke é ziin a voélazan nya.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Mi Nɔnɔle 24:4

Mian éé Bale dére maan, ’Té éé Plɛplɛfaazanbale lé yuɛzi yé, a dére lo. Mi lé é dia é bli la, ’té a yuɛ a é fuole, a dére lo.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 11:17

Mizambale, Plɛplɛfaazan, bii lé i ke, ’té i ke ana é kyɛn, ko i bɔ vɔa léé, i kun sin izé plɛplɛ nagɔɔnle ma, yé i kun plale ma munu nwiin.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 21:22

Maa ’ka Balekɔn ye lɛ fla lo, naa, Mizambale, Plɛplɛfaazan valé ’Blané ɛ ke Balekɔn nya.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:13

Maa lé ke Alfa valé Oméga nya, a vininzan valé a voélazan nya, we pélisiana valé we ’wuoplana nya.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.