Wegɔɔnle 1:4 - Kazambale lé Sebe Sauunu 1979

^4-5 ’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:4 ပူးပေါင်းရင်းမြစ်များ

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Ézai 11:2

Gakelebale Léli é dan nyana lɛ ’bɛzan gi; Wedɔɔléli lé, ’wuoataléli lé, Weplamilɛléli lé, plɛplɛléli lé, Gikiniléli lé, kana Gakelebale lee léli lé.

Ézai 41:4

De ɛ we ’konu kɛlɛ yé é wo lɛ sɔɔ? Mi lé é migɔnɔnu bɔra a pélisia bléyi va, Maa, Gakelebale lé; maa a é vinin, Yé maa a an dɔbɛ gi fɔɔ yé tɛrɛla é nyaa a zo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Zakari 3:9

Bé ye, gɔlɛ lé maa pla Jozué ’lɛ, yuɛ sɔrafié a gɔlɛ do ’ko ma; lai sunyanu lé Gakelebale léma: Guru lé é a lé wa vɔ a ma, maa dan guru ’ko vɔ lɛ a ma anboan; maa dan tɛrɛ ’ko lé wenyané si lɛ é ma yi do kpen.

Zakari 4:10

Munu lé woo nyé yélié we pélisiale dɛrɛ kiéné ma, dé wo kɔndɔma nivoo ye Zorobabɛl lee, wo gi é dan nana lɛ. Fɛ sɔrafié ’ko, wa Gakelebale yuɛ sɔrafié lé woo dɔwoo tɛrɛ faa la, wo nya.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

WENÉNÉ LE JAN A GYE (Évangile selon Jean) 1:1

A pélisiana Dére a, ’té Dére a Kazambale va, ’té Dére a Kazambale nya.

Kelewenu 19:10

É vo ’bɛ kɛlɛna lɛɛ fié, yé munu faa lé wo ke é nyanale Azi tɛrɛ la, Juifinu valé Grɛkinu nya, wo Mizan dére ’ma.

Kelewenu 2:9

Paatɛnu a, Mɛdenu a, Élamnu a; mi kenu si Mézopotami tɛrɛ la, Judé tɛrɛ la, Kapadose tɛrɛ la, Pɔnt tɛrɛ la, Azi tɛrɛ la,

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

1 Korent munu 1:3

Kaa Ti Bale valé Mizan Jézu Krist ’wo zin kɛlɛ ka lɛ yé ’wo ka vo drɔɔ ma.

2 Korɛnt Munu 1:2

Kaa Ti Bale valé Mizan Jézu Krist ’wo zin kɛlɛ ka lɛ yé ’wo ka vo drɔɔ ma.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 16:5

Maa ’yinu lé lanje dére ’ma, ’té éé a fé léé: Bii lé i ke, bii lé i ke é kyɛn, bii lé i ke sauun, i we ’konu ble é blena, amalé i a tegele.

Wegɔɔnle 2:12

’I sɛbɛ pa Pɛɛgam léglizi lé lanje lɛ zia. ’Bé fe a lɛ léé: Mi lé gwɔun ’léé fié sorosoro ke a lee, a dére lé é ke ’ko:

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:8

Maa Jan lé an we ’konu ’ma yé maa wo ye. Maa a ’ma aan wo yé maa a ye, maa dia lanje lé é wo gɔɔn an lɛ, a gane ma, a bɔle we gi.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.