Wegɔɔnle 1:20 - Kazambale lé Sebe Sauunu 1979

²⁰ Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 1:20 ပူးပေါင်းရင်းမြစ်များ

Fwile 25:37

I dan a fintran bɔné sɔrafié kɛlɛ lɛ, yé i wo dɔra wo ’léé fɛan zo, léé, a san é bɔra a ’lɛzia.

Fwile 37:23

Alé bɔné sɔrafié koo, a dirifɛnu koo, a yeezéngifɛ koo, é a kɛlɛ kyan tegele nya.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

WENÉNÉ LÉ LUK A GYE (Évangile selon Luc) 8:10

É lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ; naa, woo mi bɛnu zé fé gɔné vɔlenu nya, léé, dé wa nagini, wo ’ka a yé lo; dé wa ’ma, wo ’ka a gi maan lo.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:16

Monéné sɔrafié a a bɛyi lee. Gwɔun ’léé fié sorosoro bɔra a ’léé; yé a yara a bélé yiri lé é ke bina plɛplɛ, a zo.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 17:7

Lanje lé an lɛ léé: Mɛmalé i gi vuruu? Le valé wi lé é ke é nyanale a ta, ’té a ’wuo ke sɔrafié yé a béli ke vu bɛ, maa dan wolé weyɔɔle gi bɔra lɛ i lɛ.

Wegɔɔnle 2:1

’I sɛbɛ pa Éfɛz léglizi lé lanje lɛ zia. ’Bé fe a lɛ léé: Mi lé monéné sɔrafié ke a bɛyi lee, ’té éé tawoo kyan fintran sɔrafié méléna, a dére lé é ke ’ko:

Wegɔɔnle 2:12

’I sɛbɛ pa Pɛɛgam léglizi lé lanje lɛ zia. ’Bé fe a lɛ léé: Mi lé gwɔun ’léé fié sorosoro ke a lee, a dére lé é ke ’ko:

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:5

Bɛwemalé, fɛana lé we ’ko san i lee, ’i gi bɔrɔ ’bɛ ma; ’i bli nɔla yé ’i kɛlɛwe vininnu kɛlɛ ma. Dé i ’ka i bli nɔla lɛ lo, maa dan da lɛ i va, yé maa dan ilé fintran si lɛ é dɔrana.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: