Wegɔɔnle 1:2 - Kazambale lé Sebe Sauunu 1979

² Bale dére koo, Jézu Krist lé wefele koo, we faa lé maa a ye koo, maa wo fe.

Wegɔɔnle 1:2 ပူးပေါင်းရင်းမြစ်များ

WENÉNÉ LE JAN A GYE (Évangile selon Jean) 1:32

Jan wean na ye, é a fe, yé é léé: Maa Kazambale Léli ye sina la gi, ’té éé zunwo bélé plala zo, yé é dɔ a nwiin.

WENÉNÉ LE JAN A GYE (Évangile selon Jean) 12:17

Bléyian va lé Jézu Lazaa laa léé, ’é si gɔlɛkoro gi, yé é a nwa gamunu va, munu faa lé ’bɛnu ke Jézu va ’bɛ bléyi va, ’bɛnu alé we fe.

WENÉNÉ LE JAN A GYE (Évangile selon Jean) 19:35

Maa lé maa ana ye, maa ɛ fe, yé we lé maa a fe, é a webozen nya. Yé maabozen a gi dɔɔ léé, maa a fe webozen nya, ka dɔle a ta we ma é ziin.

WENÉNÉ LE JAN A GYE (Évangile selon Jean) 21:24

Jézu zuozan ’ko ɛ ke we ’konu nayezan nya, yé é wo gyɛ sɛbɛ gi. Yé ko a gi dɔɔ léé, a dére a webozen nya.

WENÉNÉ LE JAN A GYE (Évangile selon Jean) 3:11

Maa fe i lɛ kyɔ webozen nya, we lé ko dɔɔ, yee lé ko fé, yé we lé ko ana ye, yee lé ko fé, yé ko dére ’ka goo ka ’wuo gi lo.

Kelewenu 22:15

Naa, i dan kɛlɛ lɛ alé wenayezan nya yé fɛnu lé i wo ye, é valé wenu lé i wo ’ma, i dan wo zuo fe lɛ munu faa lɛ.

Kelewenu 26:16

Naa, ’i nwa, ’i dɔ loru. An bɔra i va wean ma, yee lé é ke ’ko: I an ye fɛan zo kyɔ ’ko koo, wenu lé maa dan wo gɔɔn lɛ i lɛ koo, maa i kɛla wo zuofezan valé wo nayezan nya.

Kelewenu 4:20

We lé ko a ye yé ko a ’ma, ko ’ka bɔa daanle lɛ ’bɛ fele ma lo.

1 Korent munu 2:1

An bwenu, dé é a maa nya, dé an go ka va Kazambale lé weyɔɔle fe lɛ ka lɛ, maa ’ka a fe lɛ dére zinnu valé wedɔɔdérenu nya lo.

1 Jan 1:1

Yee lé é ke ana a pélisia bléyi va fɔɔ kyɔ, yé ko a ’ma, yé ko a ye ko yuɛ nya, yé ko a nagini, yé ko bɛ mane a ma, yee ɛ lé we lé ko ke a fena. Mibélidére lé;

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.

3 Jan 1:12

Munu faa koo, wezen bozen koo, woo Démétrius ma we zin fé. Ko é ziin, ko a a ma we zin fena, yé bii a gi dɔɔ léé, we lé ko ke a fena a ma, é a webozen nya.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 22:21

Mizan Jézu lé zin ’é vo ka faa ta ma.

Wegɔɔnle 6:9

É zɔrɔkaanyɔɔ soruzan bɔi aan wo, munu lé wo wo gyɛ Kazambale dére valé wolé wenayedére fele ma, maa wo boennu ye balebanna wuo.