Wegɔɔnle 1:18 - Kazambale lé Sebe Sauunu 1979

¹⁸ An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 1:18 ပူးပေါင်းရင်းမြစ်များ

JOB (Job) 19:25

Maa gi dɔɔ léé, an Tabozan a é yuɛma, Yé é dan we ’wuodɔdére fe lɛ tɛrɛ la é voéla.

JOB (Job) 38:17

Gamunu nyanana lɛ so tan i lɛ doo? I gafurɔ lé duolinu yee?

Lɛrɛvɔ Sɛbɛ 18:46

Bɛn bɛnu fuu éé sié wo ta, Dé wo ’ka ’wolé guliyɔɔkɔn gi lo, wo ma éé nyɔɔn‐an.

Lɛrɛvɔ Sɛbɛ 68:20

’Wo Mizan drɔɔ vo yi faa do do ma. Dé wo ko kele, Bale éé ko sié wo lee. Ka ye do.

Ézai 22:22

Maa dan David lé kɔn lé lakléwɔlɛ nɔ lɛ a lɛ; é dan a lɛ so lɛ, yé a lɛtanzan ’ka lo; dé é a lɛ tan, a lɛsozan ’ka lo.

Matio 11:23

Yé ’kaa Kapɛnaum munu, ka dan nwa lɛ fɔɔ la gii? Gba. Ka dan zun lɛ gamunu nyanana, naa, gyɛzorowenu lé maa a kɛlɛ ka méléna, dé é vo léé, maa a kɛlɛ Sɔdɔm, ’té é ana tan kyɔ.

Matio 16:19

Maa dan Kazambale lé fla lakléwɔlɛnu nɔ lɛ i lɛ: fɛ lé i dan a yere lɛ tɛrɛ la, wo dan a yere lɛ la gi, yé fɛ lé i dan a fuo lɛ tɛrɛ la, wo dan a fuo lɛ la gi.

WENÉNÉ LÉ LUK A GYE (Évangile selon Luc) 24:5

Lomu gi nyɛ kini yé wo yara tua tɛrɛ va; naa, ’bɛnu lé wo lɛ léé: Mi lé é ke é yuɛma, mɛmalé ka a naginian gamunu vaa?

WENÉNÉ LE JAN A GYE (Évangile selon Jean) 11:25

Jézu lé a lɛ léé: Maa lé ke gamunu nwazan nya, é valé mi vo é yuɛmazan nya. Mian é bli vo an lɛ, dé é gaoo, é dan béli lɛ.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

Rom munu 6:9

naa, kaa gi dɔɔ léé, Krist nwa gamunu va yé é ’ka gaan é dɛrɛ lo; yé ga ’ka é plale a nwiin é dɛrɛ lo, azama.

2 Korɛnt Munu 13:4

Wezen lé, é kɛlɛ tɔɔtɔɔ yé wa gyɛ yiliblan ta, naa, é a é yuɛma Kazambale lé plɛplɛ nya; ko é ziin, ko a tɔɔtɔɔ a gi, naa, ko dan vo lɛ é yuɛma wo nya kalé we ma, Kazambale lé plɛplɛ nya.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Kolɔs munu 3:3

Naa, ka a é gale, yé kalé vole é yuɛma a é yɔɔle Krist va Kazambale gi.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 20:13

Wɛyi ézé migalenu bɔra a gi, yé ga valé gamunu nyanana wozé mi galenu bɔra a gi, yé wo wolé we ble do do wo kɛlɛwenu yɛrama.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.

Wegɔɔnle 9:1

Lanje soruzan béli fɛn, yé maa monéné do ye sina la gi, yé é dia tɛrɛ va. Guru lé a wɔlɛ ma nyaana ’ka lo, wo alé lakléwɔlɛ nɔ yee monéné lɛ,

1 Samuɛl 2:6

Gakelebale éé fɛ gya yé éé fɛ bélié. Éé mi zunwo gamunu nyanana yé éé mi sié ana.