Wegɔɔnle 1:11 - Kazambale lé Sebe Sauunu 1979

¹¹ Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:11 ပူးပေါင်းရင်းမြစ်များ

Ézai 30:8

Sin, ’i go, ’i we ’konu gyɛ gɔlɛfee ta wo yuɛ va. ’Bé guru vɔ é zima, léé, ’wo vo tɛlɛ tɛlama zé nya, lɛɛfaama, té a glɛ é dɔ lo.

Jérémi 30:2

Gakelebale Izraɛl lé Bale léma: Dérenu faa lé maa a fe i lɛ, ’i wo gyɛ sɛbɛ do la.

Abaku 2:2

Gakelebale lé an lɛ léma: ’I balelawe ’ko gyɛ, bé guru vɔ gɔlɛfee ta, léé, wa ta fe tegele.

Kelewenu 16:14

Le do ana bɛ, wa laama Lidi, é a tɔmunu lé sɔdanzan nya yé é si Tiatii. Le ’ko éé kanaan Kazambale lee, yé é tɔné dɔ ko lɛ. Mizambale a bli lɛ so, we lé Pɔl a fe, a ’male we gi.

Kelewenu 18:24

Juifi mi do ana wa laama Apolɔs, wa yaa Alézandri; é a wefezan zima nya yé é Kazambale lé sɛbɛ gi wenu dɔɔ é zima, yé é da Éfɛz.

Kelewenu 20:17

Naa, duowo, bléyian va lé Pɔl a Milɛ é munu pa zia léé, ’wo go Éfɛz léglizi gi mi segelenu laa.

1 Korent munu 15:32

Guli lé maa a dan winu va Éfɛz, dé maa a dan fɛyebli nya an gi bélé munu zé zo, ’té mɛ tɔnɔ lé maa a ye ’bɛ maa? Dé mi galenu ’ka nwaan lo, ’té weboen lé sɛbɛ a fe. É léé: Kaa gaan tɛlɛ, bɛwemalé kaa fɛ ble ma, yé kaa fɛ mini ma.

1 Korent munu 16:8

Naa, duowo, maa dan vo lɛ Éfɛz fɔɔ yé Pantekot yi é bɔ. Zi a an lɛ fɛfaana anlé nyanama pale we ma, naa, mi kiɛre zi dɔ an lee.

Éfez munu 1:1

’Kaa Kazambale lé munu lé ka ke Éfɛz, ’té ka ke Jézu Krist gi yarapawelazannu nya bɛ, an we ka va. Maa Pɔl lé, an kɛlɛ nwunvɔzan nya Kazambale lé blibɔmale nya, maa ɛ ke sɛbɛ ’ko gyɛna ka lɛ.

Bélidɔwesɛbɛ Fiézan 31:19

Sin, ’bé vɔ lɛrɛ nya. ’Bé paa Izraɛl lé nénu gi, ’é vɔ wo ’léé, yé lɛrɛ ’ko é dan kɛlɛ lɛ anlé wenayezan nya Izraɛl lé nénu ma.

Kolɔs munu 2:1

Ka koo, Laodisé munu koo, munu faa lé wo ’ka tan an ye lɛ lo koo, ka ta guli lé maa ke a danna é a blɛn fɛan zo, é sɔ an lɛ léé, ka a dɔɔ.

1 Timoté 1:3

Dé maa a gona bléyian va Masédɔane, maa lé i lɛ léé, ’i vo Éfɛz, mi kenu béli dɔle we ma léé, té wo we bɛnu paa munu gi lo;

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.

Wegɔɔnle 1:2

Bale dére koo, Jézu Krist lé wefele koo, we faa lé maa a ye koo, maa wo fe.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 10:4

Zagele sɔrafié ban aan wo, maa a gona a gyɛna sɛbɛ la yé maa dére do ’ma la gi yé é léé: We lé zagele sɔrafié a fe ’wo banle nya, ’é vo i ’wuo gi; té bé gyɛ lo.

Wegɔɔnle 14:13

Yé maa dére do ’ma la gi yé é léé: ’Bé gyɛ léé: É sia bléyi ’ko va, munu lé wo ga Mizan gi, wozé a néné. Kazambale Léli léé: Iin, wa flinna wolé nyanama ma, naa, wo kɛlɛwenu éé goo wo zuo.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 2:1

’I sɛbɛ pa Éfɛz léglizi lé lanje lɛ zia. ’Bé fe a lɛ léé: Mi lé monéné sɔrafié ke a bɛyi lee, ’té éé tawoo kyan fintran sɔrafié méléna, a dére lé é ke ’ko:

Wegɔɔnle 2:12

’I sɛbɛ pa Pɛɛgam léglizi lé lanje lɛ zia. ’Bé fe a lɛ léé: Mi lé gwɔun ’léé fié sorosoro ke a lee, a dére lé é ke ’ko:

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:24

Yé ’kaa Tiatii munu pɔnénu lé ka ’ka wepaale ’ko nyi si lɛ lo, ’té we lé wa laan Satan lé we wɔlɛ ma bɛ, ’té ka ’ka ’bɛ gi dɔɔa lo, maa lé ka lɛ léma: Maa ’ka kɔné bɛ dɔna ka nwiin lo;

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 22:10

É lé an lɛ léé: Balelaye dérenu lé é ke sɛbɛ ’ko gi, té i wo lɛ tan lo, naa, a bléyi bɔ é pu.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:4

Naa, ’kaa Saad mi kenu ana duowo, ka ’ka kalé sɔnu tiri dɔ lɛ lo; amalé a yara lé ka dan tawo lɛ an va sɔ funu nya ka ta.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: