Wegɔɔnle 1:1 - Kazambale lé Sebe Sauunu 1979

¹ We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:1 ပူးပေါင်းရင်းမြစ်များ

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Daniɛl 8:16

’Bɛ zuo an mi do dére ’ma Ulai yuu va yé é siaa léé: Gabriɛl, ’i yuɛziwe ’ko gi fe a lɛ.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

WENÉNÉ LE JAN A GYE (Évangile selon Jean) 12:49

Wean maa a fe, anbo ’léé dére kaan lo, naa, we lé é a lé maa a fe, é valé dérenu lé é a lé maa a fe, an Ti lé é an pa zia, yeebozen ɛ a pa an ’léé.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 3:32

yé we lé é a ye, é valé we lé é a ’ma, yee lé éé a fé yé a dére ’ka goo mi do kpen ’wuo gi lo.

WENÉNÉ LE JAN A GYE (Évangile selon Jean) 8:26

Ka ma we kiɛre lé maa dan a fe lɛ yé maa dan we ble lɛ a nya ka va, é a an gi, naa, mi lé é an pa zia, é a mi bozen nya, yé we lé maa a ’ma a ta, yee lé maa ke a fena tɛrɛlamunu lɛ.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Galasi munu 1:12

Maa ’ka a ’ma lɛ mi ta lo; mi ’ka a paa lɛ an gi lo; naa, Jézu Krist ɛ gɔɔn an lɛ.

Éfez munu 3:3

Weyɔɔle lé maa alé we gyɛ ka lɛ dére sɛ nya ’ko, Bale bozen ɛ pa an ta amalé maa a dɔɔ.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:6

É lé an lɛ léé: We ’ko a sɔbɛlawe nya, yé é a webozen nya; yé Mizan, balelayezannu lélinu zé Bale, é ’élé lanje nwunvɔ wenu lé wo kɛlɛbléyi bɔ é pu, wo nagɔɔnle we gi ’é wuozannu lɛ.

Wegɔɔnle 22:8

Maa Jan lé an we ’konu ’ma yé maa wo ye. Maa a ’ma aan wo yé maa a ye, maa dia lanje lé é wo gɔɔn an lɛ, a gane ma, a bɔle we gi.

Wegɔɔnle 22:9

Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.

Wegɔɔnle 5:7

É da, yé é sɛbɛ si webleblin tazan bɛyi lee.