Lɛrɛvɔ Sɛbɛ 99:9 - Kazambale lé Sebe Sauunu 1979

⁹ ’Ka Gakelebale, kolé Bale tɔ kɛlɛ blɛn, Yé ’ka dia ka bli ta a ’lɛ, gɔblɛn ’lɛzan nwiin. Naa, Gakelebale, kolé Bale ’lɛ a.

Lɛrɛvɔ Sɛbɛ 99:9 ပူးပေါင်းရင်းမြစ်များ

Lɛrɛvɔ Sɛbɛ 132:7

Kaa go Bale nyanana, Kaa ’wuo wɔra a gane wuo,

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 99:3

I tɔ lé é ke blɛn yé éé kana zén‐é mi gi, ’wa bié ma. A ’lɛ a.

Lɛrɛvɔ Sɛbɛ 99:5

’Ka Gakelebale, kolé Bale kɛlɛ blɛn, Yé ’ka ’wuo wɔra a gane wuo. É a sauun.

Ézai 5:16

Lai sunyanu lé Gakelebale lé weblele ma lé wo dan a dɔɔ lɛ mi blɛn nya, yé Bale sauun é dan é kɛlɛle sauun nagɔɔn lɛ élé we tegele kɛlɛle nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

WENÉNÉ LÉ LUK A GYE (Évangile selon Luc) 1:49

Plɛplɛfaazan we blɛnnu kɛlɛ an lɛ, azama. A tɔ a sauun.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.