Lɛrɛvɔ Sɛbɛ 99:3 - Kazambale lé Sebe Sauunu 1979

³ I tɔ lé é ke blɛn yé éé kana zén‐é mi gi, ’wa bié ma. A ’lɛ a.

Lɛrɛvɔ Sɛbɛ 99:3 ပူးပေါင်းရင်းမြစ်များ

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 100:4

’Ka wɔra alé kɔn gi a tɔ zin fele nya, ’Ka wɔra alé gɔrɔ gi lɛrɛvɔlenu nya, ’Ka a bɔ vɔ, ’ka a tɔ drɔɔ vo.

Lɛrɛvɔ Sɛbɛ 103:1

David zé lé. An boen, ’i Gakelebale drɔɔ vo. Maa i tɔ blɛn drɔɔ vo an bli faa nya ma.

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Lɛrɛvɔ Sɛbɛ 76:1

Azafa lɛrɛ ’ko vɔle gɔɔn lɛrɛvɔmunu zilɛzan lɛ. Kɔnɔnu lé wo balenu ke, ’wa gyɛ a va. Bale tɔbɔlɛrɛ lé.

Lɛrɛvɔ Sɛbɛ 76:12

Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Jozué 24:19

Jozué lé munu lɛ léé: Gakelebale bɔplɛplɛ ’ka ka lee lo, naa, Bale sauun lé, maabo Bale lé, yé é ’ka dan ka ma we vo lɛ kalé weplenu valé kalé wenyanénu ma lo.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.