Lɛrɛvɔ Sɛbɛ 97:3 - Kazambale lé Sebe Sauunu 1979

³ Kyɛ éé tawoo a ’lɛ, Yé a mazannu lé wa zi lɛ sɔɔ, kyɛ éé wo blé.

Lɛrɛvɔ Sɛbɛ 97:3 ပူးပေါင်းရင်းမြစ်များ

Lɛrɛvɔ Sɛbɛ 18:8

Wo tɛrɛ puo, ’té a ma éé nyɔɔn‐an, Tun dɔ gɔblɛnnu gane vɔnanu gi, A bliflile we ma lé wo manu nyɔɔn.

Lɛrɛvɔ Sɛbɛ 18:9

Kyɛgoi éé bɔraan a nyé gi, ’Té kyɛ lé éé fɛnu blé bɛ, éé bɔraan a ’léé; ’Té kyɛnyɛ éé bélian.

Lɛrɛvɔ Sɛbɛ 50:3

Kolé Bale a dana, é ’ka voo é tadɔle lo; Kyɛ a blena a ’lɛ, Lɛɛdafu plɛplɛ a zi lɛ sɔɔan.

Ézékiɛl 1:4

Maa a nagini, ’té fu plɛplɛ koo, lati blɛn koo, kyɛnɛnɛ kunu do lé a san éé zi kinié fɛfaana wéiin, ’bɛ koo, ’té woo sié yirinwana bɛbolazia, yé maa wo ye. Fɛ lé é ke bélé zéné lé wa ma gɔrɔla, a zo, ’té éé bié, maa a ye kyɛnɛnɛnu va lati méléna.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Abaku 3:5

Migyɛgyɛ éé tawoo a ’lɛ, Yé migyɛgyɛ éé tawoo a gane pa gi.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Bélidɔwesɛbɛ Fiézan 4:11

Ka bié yé ka dɔ gɔ nyana ma. Gɔ kyɛ a blena, yé a kyɛnɛnɛ nwa fɔɔ la gi, lati koo, gunuti koo, kyɛgoi gunu koo, wo méléna.

Bélidɔwesɛbɛ Fiézan 4:36

Kazambale a kɛlɛ léé, ka ’é dére ’ma la gi, we paale ka gi we ma; yé é a kɛlɛ léé, ka ’élé kyɛ blɛn ye tɛrɛ la, yé ka ’é dére ’ma wefena kyɛ méléna.

Bélidɔwesɛbɛ Fiézan 5:4

Gakelebale we fe ka lɛ ka faa yuɛ va, ’té é a gɔ nwiin kyɛ méléna.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

Wegɔɔnle 11:5

Dé mian é a a va léé, ’é wenyané kɛlɛ wo lɛ, kyɛ éé sié wo ’léé yé éé wo nyanézannu blé; iin, dé mian é a a va léé, ’é wenyané kɛlɛ wo lɛ, a zo lé wo dan a gyɛ lɛ.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.