Lɛrɛvɔ Sɛbɛ 9:6 - Kazambale lé Sebe Sauunu 1979

⁶ I we lɛdɔa bɛnnu gi, yé i mi nyanénu sɛra tata. I wo tɔnu fwian yifaama zé nya, a glɛ ’ka dɔa lo.

Lɛrɛvɔ Sɛbɛ 9:6 ပူးပေါင်းရင်းမြစ်များ

2 Minwiinzannu 19:25

I ’ka a gi dɔɔa léé, maa we ’konu ma’lɛrɛ ana mɔn Yé maa wo dɔ an bli gi é kwakwa loo? Sin, an bɔngiwe lɛ sɔɔ Amalé i fla plɛplɛnu guru zana a gi.

JOB (Job) 18:17

A sele éé saan tɛrɛlamunu gi, Wo ’ka dan a tɔ pa lɛ féi ma é dɛrɛ lo.

Lɛrɛvɔ Sɛbɛ 34:16

Gakelebale yuɛ a mi tegelenu ta, Yé a tɔné a é dɔle wolé siaalenu lɛ.

Lɛrɛvɔ Sɛbɛ 34:17

Gakelebale éé yara yɔɔan mi nyanénu ma, Wo sele saanle munu faa gi we ma.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 7:5

Dé an wenaané kɛlɛ mi lé a bli ke an ma drɔɔ, a lɛ, Mi lé éé yaan an ta, ’té maa ’ka we do kɛlɛ lɛ lo, dé maa a kyeen wo,

Lɛrɛvɔ Sɛbɛ 8:2

Gakelebale, kozan, I tɔ a blɛn tɛrɛ faa la. Ilé fuasan blɛn éé nwaan lanu ta loru.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Ézai 14:17

Mi lé é tɛrɛ la munu gyɛ yé wo pagi vo bwi nya, ’té éé ’wiié flanu ta, ’té é ’ka daan munu lé é wo kun luu nya, wo ma lo, yee lé ke bɛɛ?

Ézai 26:14

Munu lé wo ga, wo ’ka vuoma é dɛrɛ lo; Munu lé wo go, wo ’ka nɔla é dɛrɛ lo; Naa, bii ɛ we lɛdɔ wo gi, bii ɛ wo kulu ga, Bii ɛ wo sele faa saan munu gi.

Ézai 37:26

I ’ka a gi dɔɔa léé, maa we ’konu ma’lɛrɛ ana mɔn Yé maa wo dɔ an bli gi é kwakwa loo? Sin, an bɔngiwe lɛ sɔɔ Amalé i fla plɛplɛnu guru zana a gi.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

1 Korent munu 15:26

Mi nyanézan voélazan lé é dan si lɛ ana, ga lé.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.

1 Samuɛl 30:1

A yi yaazan nya, dé David valé élé munu bɔ Siklag, ’té Amalɛknu da guli dan lɛ yirinwana bɛyilazia munu valé Siklag va. Lomu koo, gɔnénu faa lé ke ana koo, nunukénénénu valé mi segelenu koo, wo wo si luu nya yé wo Siklag guru zana a gi yé wa kyɛ ble. Wo ’ka mi do kpen gyɛ lɛ lo, naa, wo wo faa si yé wo go.

1 Samuɛl 31:7

Izraɛl munu lé wo ke gɔ worona san koɛ la, é valé Juudɛn gɔ koɛ la, wa ye aan wo léé, Izraɛl munu vlan buru yé Saul valé é benu ga, wo fwi ’wolé flanu ta yé wo vlan buru. Yé Filisitinu da nyana lɛ ana.