Lɛrɛvɔ Sɛbɛ 9:18 - Kazambale lé Sebe Sauunu 1979

¹⁸ Mi nyanénu éé yara nɔlaan migalenu nyanana vazia, Bɛnnu faa lé wo gi éé saan Bale ma, woo lé.

Lɛrɛvɔ Sɛbɛ 9:18 ပူးပေါင်းရင်းမြစ်များ

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 102:20

Naa, Gakelebale a élé fɛna sauun lé é ke la gi loru baa bɛ, ana, ’Té éé tɛrɛ la naginian,

Lɛrɛvɔ Sɛbɛ 109:31

Naa, éé dɔa nyanégyɛzan bɛyila, Munu lé woo ga dɔa a nwiin, a sile ’bɛnu lee we gi.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 139:19

Oo Bale, ’i wenyanékɛlɛzannu gyɛ ma. Mi nyɛ zanamunu, ’ka si an ma baa.

Lɛrɛvɔ Sɛbɛ 50:22

Kaan ka gi éé saan Bale ma, ’ka yuɛ pa kabo va ma; Dé an da ka wi kini ékema, ’té mi do ’ka ka sié an lee lo.

Lɛrɛvɔ Sɛbɛ 71:5

Naa, Mizan, Gakelebale, an bli a bii ɛ lɛ. An paan bii ɛ ta an boroné la bléyi va fɔɔ kyɔ.

Lɛrɛvɔ Sɛbɛ 72:4

Minwiinzan é dan we tegele kɛlɛ lɛ Bale wuozan kiénénu lɛ, É dan nyanégyɛzan lé nénu si lɛ we gi, Yé mi lé éé yaan wo ta, é dan azan zɔn lɛ.

Lɛrɛvɔ Sɛbɛ 9:12

Gakelebale lé éé nyanaan Siɔn, ’ka lɛrɛ vɔ a lɛ, We blɛnnu lé é a kɛlɛ, ’ka sɔɔla migɔnɔnu va.

Wegɔnévɔlenu 23:18

naa, tɛlɛ tɛlama ana, yé fɛ lé i bli kɛlɛ a lɛ, é ’ka dan kɛlɛ lɛ é boa lo.

Wegɔnévɔlenu 24:14

A zo duo lé ’i we dɔɔ i boen zé nya ma; dé bé ye, i dan a tɔnɔ ye lɛ tɛlɛ tɛlama, yé we lé i bli kɛlɛ a lɛ é ’ka dan vo lɛ é pla lo.

WENÉNÉ LÉ LUK A GYE (Évangile selon Luc) 1:53

É lɔrɔgyɛmunu kan Yé é fuazannu pa zia lɔrɔ nya.

WENÉNÉ LÉ LUK A GYE (Évangile selon Luc) 6:20

Yé Jézu é yuɛ vɔ é zuomunu ta yé é léma: ’Kaa nyanégyɛmunu, ka a bɛan ’bɛ gi bɛ, ’bɛ a é zima kazé nya, naa, Kazambale a é plale ka nwiin.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?