Lɛrɛvɔ Sɛbɛ 9:10 - Kazambale lé Sebe Sauunu 1979

¹⁰ Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Lɛrɛvɔ Sɛbɛ 9:10 ပူးပေါင်းရင်းမြစ်များ

2 Samuɛl 22:3

Bale a anlé gɔlɛgɔ lé maa an ta yɔɔan a fu va, a nya, É a an botakuunfɛ valé plɛplɛ lé é an sié we gi, a nya. É a anlé sa vulina valé an yɔɔna nya. Oo, an siéwegizan! Bii ɛ an si za?-?mawe tɔntɔn lee.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Lɛrɛvɔ Sɛbɛ 37:39

Mi tegelenu sile we gi éé sié Gakelebale va; É a wo takuunzan nya wolé kleblebléyi va.

Lɛrɛvɔ Sɛbɛ 5:11

Baleoo, Bale, ’i wo bla bélé wegyɛzannu zo. Wo gibɔrɔle ’é go wo nya wo saanna. ’I wo nɔ wolé wenyanénu kiɛre lɛ. Naa, woo nwaan bii ma, bɛzama.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Jérémi 29:13

Ka dan an nagini lɛ, yé ka dan an ye lɛ, ’té dé ka an nagini ka bli faa nya.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.