Lɛrɛvɔ Sɛbɛ 85:9 - Kazambale lé Sebe Sauunu 1979

⁹ Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Lɛrɛvɔ Sɛbɛ 85:9 ပူးပေါင်းရင်းမြစ်များ

Lɛrɛvɔ Sɛbɛ 119:155

Sile we gi a é sile mi nyanénu ma baa, Naa, wo ’ka i déretawenu kɛla lo.

Lɛrɛvɔ Sɛbɛ 50:23

Mian éé an baan an bɔvɔle nya, éé an tɔ zin bɔa, Yé mian éé yuɛ paan élé tawobɛ va, Fɛan zo lé Bale éé mi sié we gi, maa dan a gɔɔn lɛ a lɛ.

Ézai 4:5

Gakelebale é dan lati valé kyɛgoi dɔ lɛ é yiéyi, yé é dan kyɛnɛnɛ blɛɛnnu dɔ lɛ é béli Siɔn gɔ faa nwiin valé alé munu zénna ékeva na; Gakelebale lé fuasan é dan kɛlɛ lɛ fɛ faa nwiin bélé sɔban valé sɔkɔn zo

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Jérémi 23:35

’Ka laa ka bɔlunu valé ka bwenu lee léé: Gakelebale a zi pa nɔɔ? Dé ’bɛ kaan lo, ’ka laa léé: Gakelebale lé nɔɔ?

Jérémi 23:37

I dan a laa lɛ balelayezan lee léé: Gakelebale a zi pa nɔɔ? Dé ’bɛ kaan lo, bé laa léé: Gakelebale lé nɔɔ?

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Ézékiɛl 26:20

maa dan i vuli lɛ, munu lé woo zunwo guru blɛn wɔlɛ ma yɛrɛgimunu vazia, wo va. Maa dan i pla lɛ tɛrɛwɔlɛ ma, fɛana lé mi éé voo é do lɛɛfaama a glɛ ’ka lo, ana, munu lé wo zun guru wɔlɛ ma, wo sɔnɔ, té munu ’é nyana i ta é dɛrɛ lo we gi. Yé maa dan tɔbɔle ta dɔ lɛ mi yuɛmalenu lé tɛrɛ zé nya.

Ézékiɛl 3:10

É lé an lɛ léé: Blami be, dérenu faa lé maa dan wo fe lɛ i lɛ, bé ’ma ma, ’é vo i bli gi ma.

Abaku 2:1

Maa a é dɔle an dɔna, ’té maa a é dɔle flataginifɛ ta; maa vo é yuɛma, we lé Gakelebale é dan a fe lɛ an lɛ, yé maa ’ma, yé bɛan zo lé maa dan a zi pa lɛ anlé we vinin fele zuo, yé maa dɔɔ.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 13:16

Pɔl nwa yé é bɛ nwa yé é léma: Izraɛl munu, ’kaa lé ka kanaan Kazambale lee, ’ka tɔné dɔ.

1 Samuɛl 3:9

’I go, ’i yia; yé dé wo i laa, bé fe léé, Gakelebale, bé fe, naa, i wuozan tɔné a i lɛ. Yé Samuɛl go yia lɛ é yiana.