Lɛrɛvɔ Sɛbɛ 85:12 - Kazambale lé Sebe Sauunu 1979

¹² Yarapale we ta gɔn éé bɔraan tɛrɛ la, Yé we tegele lé é ke la gi loru, éé tɛrɛla ginian.

Lɛrɛvɔ Sɛbɛ 85:12 ပူးပေါင်းရင်းမြစ်များ

Lɛrɛvɔ Sɛbɛ 67:6

Oo Bale, migɔnɔnu ’wo i tɔ zin fe ma, ’Wo faa i tɔ zin fe ma.

Lɛrɛvɔ Sɛbɛ 72:16

’Sa é dan kɛlɛ lɛ di tɛrɛ la, gɔblɛnnu bɛlo ta, Yé wo nɛnɛnu é dan nyɔɔn lɛ bélé Liban lé yilinu zo; Munu vwi é dan bi lɛ fla bélé tɛrɛ la lu zo,

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 45:8

Wetegele ’é vɔ tɛrɛ la bélé lolu zo, Yé wetegele ’é da tɛrɛ la bélé lɛɛ éé sié lati gi fɛan zo, a zo. Yé mi sile we gi valé mi sole we lee, ’é kɛlɛ tɛrɛ la di Bélé lɛɛ nyian wo bléyi va fɛ dɔle zo. Maa Gakelebale, maa ɛ we ’konu kɛla.

Lévinu 25:19

Tɛrɛ é dan baa lɛ ka lɛ, ka dan fɛ ble lɛ yé ka kan, yé ka dan nyana lɛ ana duaa.

Lévinu 26:4

maa dan lɛɛ da lɛ é dabléyi va, yé tɛrɛ é dan fɛ dɔ lɛ yé kalé féiyilinu é dan ’wo poro baa lɛ.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Zakari 8:12

Naa, ’savɔle va é dan gyɛ lɛ; dɔrɔyilinu poro é dan baa lɛ, tɛrɛ é dan fɛ dɔ lɛ, la é dan fli vɔ lɛ; maa dan munu ’ko pɔnénu gi nana lɛ fɛ ’konu ma.

Matio 13:23

’Sawɔlɛ lé é dia tɛrɛ zima la, ’bɛ a mi lé éé Bale dére maan yé éé wɔraan a ’wuo gi, a nya; a wɔlɛ éé baan webozen nya, a nɛnɛ do wɔlɛ éé kɛla yɔ soru, yé a nɛnɛ do wɔlɛ éé kɛla yɔ yaa, yé a nɛnɛ do wɔlɛ éé kɛla yɔ do wɔlɛ vu.

Matio 13:8

A wɔlɛ kenu dia tɛrɛ zima ta; a wɔlɛ baa yé a nɛnɛ do wɔlɛ kɛlɛ yɔ soru, a nɛnɛ do wɔlɛ kɛlɛ yɔ yaa, a nɛnɛ do wɔlɛ kɛlɛ yɔ do wɔlɛ vu.

Kelewenu 2:41

Munu lé wa dére nyi si, wo wo batizéwo. A yi ’ko la Jézu zuomunu ’léé taa zén a ta, dé mi baa do wuru soru léé? a zo.

Kelewenu 21:20

Wa ’ma aan wo, wo Kazambale tɔ zin bɔ yé wo lé a lɛ léé: Ko bwe, fɛan zo lé Juifi kiɛre bli vo Jézu lɛ, ’té woo bélidɔwe kɛla wo sɔbɛla nya bɛ, bé nagini do.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.