Lɛrɛvɔ Sɛbɛ 78:7 - Kazambale lé Sebe Sauunu 1979

⁷ Léé, ’wo pa Bale ta, Léé, té wo gi é san Bale panyanamanu ma lo, Yé ’wo alé bélidɔwe sɔnnénu pa,

Lɛrɛvɔ Sɛbɛ 78:7 ပူးပေါင်းရင်းမြစ်များ

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.

1 Jan 5:3

Kazambale va sɔlɛle ɛ ke alé bélidɔwe kɛlɛle nya, yé alé bélidɔwe kɛlɛle ’ka tɔntɔn lo;

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Lɛrɛvɔ Sɛbɛ 103:2

An boen, ’i Gakelebale drɔɔ vo, Yé we zinnu lé é a kɛlɛ i lɛ, té i gi é san a do kpen ma lo.

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Lɛrɛvɔ Sɛbɛ 40:4

Yé é lɛrɛ dɛrɛ paa an gi, Kolé Bale tɔbɔlɛrɛ lé. Mi kiɛre ’bɛ ye, yé wo kana Gakelebale lee, Yé wo pa a ta.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Korent munu 11:24

yé é Bale bɔ vɔ yé é a bɔi yé é léé: An kɔlɛ lé wa bɔi ka lɛ, yee lé ke ko. ’Ka we ’ko kɛlɛ an sele dɔle ka gi we ma.

Lɛrɛvɔ Sɛbɛ 146:5

Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Lɛrɛvɔ Sɛbɛ 105:5

A wuozan Abraam kulunu, ’Kaa Jakɔb lé nénu lé é ka si a va, Weblɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Lɛrɛvɔ Sɛbɛ 62:5

Wo bɔn gi bɔrɔan léé, ’é si élé webleblin ta, ’é zun é falo ma; Viéwole sɔ wo lɛ, Woo mi drɔɔ voo wo ’léé, Naa, woo bale paan mi ma wo bli gi.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Bélidɔwesɛbɛ Fiézan 6:21

ka dan a fe lɛ ka be lɛ léé: Ko a é vinin Faraɔn lé luu nya Éjipiti tɛrɛ la, yé Gakelebale ko si Éjipiti tɛrɛ la é bɛ plɛplɛ nya.

Bélidɔwesɛbɛ Fiézan 6:25

Dé ko bélidɔwe ’konu lɛdɔma é zima, Gakelebale kolé Bale yuɛ va, é a fe ko lɛ fɛan zo, a zo, é dan ko ye lɛ mi tegelenu nya.

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.