Lɛrɛvɔ Sɛbɛ 76:6 - Kazambale lé Sebe Sauunu 1979

⁶ Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

Lɛrɛvɔ Sɛbɛ 76:6 ပူးပေါင်းရင်းမြစ်များ

2 Samuɛl 10:18

Naa, Siri munu fwila Izraɛl ’lɛ. David goro wuru yaa yɔ soru gi munu gyɛ, é valé wisootamunu baa yɔ do nya; é wolé sunyanu nwiinzan Sobak gyɛ é ziin, yé é ga fɛ duona.

2 Minwiinzannu 19:35

’Bɛ béli duo nya, Gakelebale lé lanje da yé é munu gyɛ Asirinu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Wo nwa bladi aan wo, bé ye, migalenu saa lé.

2 Minwiinmunu lé Wezuofe Sɛbɛ 32:21

Yé Gakelebale lanje do pa zia, yé nyanazannu koo, minwiinzannu koo, é wo faa kulu ga Asiri nwiinzan blɛn lé sɔkɔn dɔna. Yé yara minwiinzan blɛn gyɛ yé é nɔla ’é pa gi ’élé tɛrɛ la. É wɔra élé yokɔn gi tɔɔn, a yaanénu a gyɛ gwɔun nya ’bɛna.

Lɛrɛvɔ Sɛbɛ 104:7

I siaa ’yinu ta tɔɔn, wo go vlan nya, Wo ilé zagele vun wele ’ma tɔɔn, yé wo wɔra ékeva.

Lɛrɛvɔ Sɛbɛ 18:15

É élé sawɔlɛnu vuli yé é an nyanézannu fwila, É zagele we kiɛre yé é wo bin.

Lɛrɛvɔ Sɛbɛ 80:16

Fɛan bé suru i bɛyi nya, ’bé tabin, É valé i be lé bé si a va izé nya, wo nya.

Fwile 15:1

Yé Moizi valé Izraɛl lé nénu lɛrɛ ’ko vɔ Gakelebale lɛ: Wo léma: Maa dan lɛrɛ vɔ lɛ Gakelebale lɛ, naa, é ’élé plɛplɛ nagɔɔn wéiin: É wisoo valé étazan vuli wɛyi va.

Fwile 15:10

I fu fɛ ilé flinle nya Wɛyi bua wo ta; Wo go ’yi wɔlɛ ma Bélé lɛɛ zo.

Fwile 15:21

Mari we Izraɛl lé nénu lé lɛrɛ ma yé é léé: Gakelebale élé plɛplɛ nagɔɔn wéiin amalé ’ka lɛrɛ vɔ a lɛ; É wisoo valé étazan vuli wɛyi va.

Ézai 37:36

’Bɛ béli duo nya, Gakelebale lé lanje da yé é munu gyɛ Asiri munu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Munu nwa bladi aan wo, bé ye, migalenu saa lé.

Jérémi 51:39

Dé nwɛ gié wo yuɛ ma, maa dan nwɛ taa nɔ lɛ wo lɛ, yé maa wo gyɛ a nya wobo nɔle ginanale lɛ we ma. ’Bɛ zuo yé wo dan yi gyɛ lɛ fɔɔ ’bɛ glɛ ’ka dɔa lo, yé wo ’ka vuoan é dɛrɛ lo. Maa Gakelebale ɛ ke a fena.

Jérémi 51:57

A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.

Ézékiɛl 39:20

Ka dan kan lɛ wisoonu valé wotazannu wi nya; ka dan kan lɛ nyanazannu valé gulidanmunu faa wi nya. A zo lé Mizan Gakelebale a fe.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Naum 2:13

Golizra éé fɛ wi kinié ékema turu élé nénu zé nya, Éé fɛ gya turu é bɔrɔ ma, Golizra tinanu zé nya. Éé é yɛrɛ faan, winu lé éé wo gya, wo nya, Éé é yɔɔna faan fɛnu lé é ’wii wo ta, wo nya.

Naum 3:18

Asirimunu nwiinzan blɛn, ilé ’blatabinmunu a yigyɛna; ilé nyanazannu a flinna; ilé munu a é kinile ékema gɔnu nwiin, yé mi do kpen ’ka wo zénna ékeva lo.

Zakari 12:4

Gakelebale léma: ’Bɛ yi la, maa dan wisoonu faa gi blin lɛ ’wo ma, yé maa dan wo tazannu yuɛi nɔɔ lɛ. Naa, dé maa a migɔnɔnu lé wisoonu faa yuɛ ’wiina, maa dan an yuɛ pa lɛ Juda munu ta.

1 Samuɛl 26:12

Amalé din valé ’yikuo lé ke Saul lé ’wuoplalafɛ sɔnɔ, David a sia, yé wo go. Mi do kpen ’ka wo ye lɛ lo, yé wo ’ka we do kpen gi dɔɔ lɛ lo, yé mi do kpen ’ka vuo lɛ lo, naa, wo yi gyɛ ’té Gakelebale yigyɛle baa pa wo ta, azama.