Lɛrɛvɔ Sɛbɛ 74:9 - Kazambale lé Sebe Sauunu 1979

⁹ Wo ’ka kolé tɔmasenu yé é dɛrɛ lo; Balelayezan ’ka ana é dɛrɛ lo, Yé dé a lɛɛ vo nɔɔ? ko va mi do ’ka ’bɛ gi dɔɔa lo.

Lɛrɛvɔ Sɛbɛ 74:9 ပူးပေါင်းရင်းမြစ်များ

Fwile 12:13

Nyɛ é dan kɛlɛ lɛ tɔmase nya ka lɛ ka nyanakɔnnu ma; maa dan nyɛ ye lɛ yé maa dan gié lɛ ka ta loru, yé dé maa Éjipiti tɛrɛ la munu gyɛ, dunuvɔmagyɛ do kpen ’ka dan ka kulu ga lɛ lo.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Ézékiɛl 20:12

Yé é ziin, maa anlé flinyi nɔ wo lɛ tɔmase do nya maa valé wonu méléna, wolé a gi dɔɔle we gi léé, maa a Gakelebale lé éé wo paan é yɛrama, a nya.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

Amɔs 8:11

Mizan Gakelebale léma: Ka ye, a yinu é dan bɔ lɛ yé maa dan da lɛ lɔrɔ nya tɛrɛ ’ko ta; buru valé ’yian wo dan vuru lɛ wo ma lo, naa, Gakelebale dére ’male ɛ dan vuru lɛ wo ma.

Misé 3:6

We ’ko ma lé, béli é dan tan lɛ ka ma, yé ka ’ka dan yuɛziwe ye lɛ lo. Gunu é dan dɔra lɛ ka ma, yé kalé ’moné ’ka dan din nɔ lɛ lo. Yiri é dan vɔ lɛ yee balelayezannu ma, yé gunu é dan dɔra lɛ wo ma é yiéyi.

Misé 3:7

Yara é dan kalé fɛnayezannu gyɛ lɛ, yé ’monédɔzannu yuɛ é dan tana lɛ. Kazambale ’ka dan we lɛ wo zi lo, amalé wo dan ’wo yara yɔɔ lɛ.

Ébrunu 2:4

yé Kazambale bozen wolé wenayedére dɔ plɛplɛ tɔmasenu koo, we blɛnblɛnnu koo, gyɛzorowe gɔnɔ faa koo, Léli Sauun lé blɛnu kɛlɛle élé blibɔmale nya koo, wo nya. Amalé, dé kaa yara si silewegi ’ko ta, we é dan si lɛ kaa nwiin kaa?

Weblezannu 6:17

Jédéɔn lé a lɛ léé: Dé maa i yuɛi bɔ, ’i tɔmase do kɛlɛ an lɛ a gɔɔnle we gi léé, bii ɛ we fe an lɛ.

1 Samuɛl 3:1

Samuɛl kiéné a Gakelebale lé nyanama pana Éli va. ’Bɛ bléyi va ’té Gakelebale ’ka we fé mi lɛ fiéfié lo, ’té woo yuɛzi we yé do do.