Lɛrɛvɔ Sɛbɛ 74:3 - Kazambale lé Sebe Sauunu 1979

³ Fɛnanu lé wo guru ke é zanale a gi yifaama, ’i tawo ana, I nyanézan ilé fɛna sauun gifɛnu faa sɔnné sɛrɛ.

Lɛrɛvɔ Sɛbɛ 74:3 ပူးပေါင်းရင်းမြစ်များ

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Néémi 1:3

Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Néémi 2:13

An bɔra é béli flagɔrɔ ’léé lé wa laama gɔworona, ana zia, yé an yara dɔ dragɔn ’yibɔna zia, yee valé flagɔrɔ ’léé lé wa laama wibo vulina, ana zia. Yé maa a ye léé, Jérusalɛm zi gɔrɔ a é zanale yé kyɛ alé flagɔrɔ ’léé duolinu ble.

Néémi 2:3

yé maa a zi pa minwiinzan blɛn lɛ léé: Minwiinzan blɛn ’é vo é yuɛma ma, té ’bɛ glɛ ’é dɔ lo ma. Fla lé an tranu vun ke a ta, wa sɛrɛ, yé kyɛ alé duolinu ble ’naan, ’té mɛmalé an yara kyɛ ’ka vɔa gian loo?

Lɛrɛvɔ Sɛbɛ 44:23

Naa, bii lé we ma lé wo ko gya bladi nyanadi, Wo ko yé bélé ’blanu lé wo dan go lɛ wo nya wigyɛna, wo zo.

Lɛrɛvɔ Sɛbɛ 44:26

Naa, ko boen a é diale vun va, Tɛrɛ a é kuale ko kɔlɛ ma.

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Ézai 61:4

Wo dan fla kwa pa lɛ é pa gi, Fɛ lé a guru zana a gi é kyɛn, wo dan a nwa lɛ é pa gi; Fla lé wo ’wii a ta ana mɔn yé é sɛrɛ, Wo dan a dɛrɛ pa lɛ.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 1:10

Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 9:17

Amalé sin, kozé Bale, ’i tɔné dɔ i wuozan lé bazorodére valé alé zantévɔdére lɛ, yé Mizan lé sɔlɛle pli zi ’i yara soi ilé fɛna plɛplɛ lé é vo é ’bin nya, a vazia.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Misé 1:3

Ka yua, Gakelebale si é nyanana, É a zunna, é a tawona tɛrɛ ta loru.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Maak 11:17

Yé é we pla wo lɛ a fele nya léé: Wo ’ka a gyɛ lɛ Kazambale lé sɛbɛ gi léé, wo dan anlé kɔn laa lɛ bɛn faa lé bazorokɔn loo? Naa, ka a kɛlɛ kyeenwozannu yɔɔkɔn nya.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Jozué 10:24

Bléyian va lé wo dan minwiinzan ’konu nya Jozué va, Jozué Izraɛl munu faa laa, yé é lé gulidanmunu nwiinzannu lé, wo tawo a va, wo lɛ léé: ’Ka bié, ’ka ganenu dɔra minwiinzannu ’konu bɔrɔ la. Wo bié yé wo ganenu dɔra wo bɔrɔ la.

Wegɔɔnle 11:2

Naa, wo Balebangikɔn zi gɔrɔ gi nɔ bɛnnu lɛ, amalé ’i ’bɛ vo, té i ’bɛ dan lo, yé bɛnnu é dan fla sauun zɔn lɛ ’wo gane nya moné yɔ fié wɔlɛ fié.