Lɛrɛvɔ Sɛbɛ 72:17 - Kazambale lé Sebe Sauunu 1979

¹⁷ A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 72:17 ပူးပေါင်းရင်းမြစ်များ

Wepélisiananu 12:3

Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.

Wepélisiananu 22:18

I an dére lɛdɔma, amalé tɛrɛla bɛnnu faa drɔɔ é dan vo lɛ i kulu pli zi.

2 Samuɛl 7:13

Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

Minwiinzannu lé Wezuofe Sɛbɛ 17:12

Yee ɛ dan kɔn dɔ lɛ an lɛ, yé maa ’ka dan a plale munu nwiin glɛ dɔ lɛ lo.

Lɛrɛvɔ Sɛbɛ 21:7

Bé drɔɔ voo yifaama, Bé faan ginanale nya i yara,

Lɛrɛvɔ Sɛbɛ 45:17

Ilé nénu é dan wo tranu pagi si lɛ; I dan wo dɔ lɛ minwiinzannu nya tɛrɛ faa la.

Lɛrɛvɔ Sɛbɛ 89:36

Maa an kɛlɛle sauun ’nyɔɔn ’naan, An dan vié wo lɛ David lɛɛ?

Fwile 3:15

Kazambale lé é ziin Moizi lɛ léé: I dan we fe lɛ ’ko zo Izraɛl lé nénu lɛ, léé: Gakelebale, wo tinu lé Bale, Abraam koo, Izak koo, Jakɔb koo, wolé Bale i nwunvɔ wo va. Yee Gakelebale ɛ ke an tɔ nya lɛɛfaama, ’bɛ ɛ ke an tɔ nya mi kulu é kulu gi.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

WENÉNÉ LÉ LUK A GYE (Évangile selon Luc) 1:48

Naa, é yuɛ vɔ é wuole kɛlɛle kiéné ta. É sia bléyi ’ko va mi kulu faa é dan a fe lɛ léé, anzé a néné,

Kelewenu 3:16

Mi ’ko lé ka a ye yé ka a dɔɔ, bli vole Jézu tɔ lɛ nya lé Jézu tɔ mi ’ko kɛlɛ plɛplɛ. Bli vole Jézu lɛ ɛ mi ’ko béli tata ka faa yuɛ va.

Galasi munu 3:14

Wean ma lé we ’konu faa bɔ, yee lé é ke ’ko: Abraam drɔɔvole kɛlɛle é ziin bɛnnu zé nya Jézu Krist gi we ma, é valé Kazambale Léli lé, wa nɔle we fe é kyɛn bɛ, kaalé a yele blipale nya we ma.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Éfez munu 3:14

Aléwemalé maa powuo zunwo Ti lé,

Filip munu 2:10

léé, lagi koo, tɛrɛla koo, tɛrɛ wuo koo, munu faa ’wo powuo zun wona Jézu tɔ nya,

Kolɔs munu 1:3

Ko Kazambale, Kaazan Jézu Krist Ti, bɔ vɔa, ’té ko ’ka daanma bazorole ma kalé we ma lo;

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.