Lɛrɛvɔ Sɛbɛ 7:15 - Kazambale lé Sebe Sauunu 1979

¹⁵ Bé ye, mi nyané éé wenaané ma ’lɛra, Éé weple bɔn sié, yé éé vié yaan,

Lɛrɛvɔ Sɛbɛ 7:15 ပူးပေါင်းရင်းမြစ်များ

JOB (Job) 4:8

Dé é a maa nya, maa a ye léé, munu lé woo weple nyanama paan, ’Té we lé é ’ka tegele lo, ’té wa vɔa, wo dan a poro so lɛ;

Lɛrɛvɔ Sɛbɛ 141:10

Mi nyanénu ’é dia ’wolé sélinu gi ma, Naa, an so wo lee ’bɛ bléyi va ma.

Wegɔnévɔlenu 26:27

Mi lé é guru bo, éé diaan a gi, yé gɔlɛ éé nɔlaan mi lé é a buru la, a ta.

Lɛrɛvɔ Sɛbɛ 10:2

Mi nyanénu lé boblɛn ma lé woo wenaané bɔmazannu zuo bin‐é, Wolé vɔmizidére bɛ, éé woboen kunwo.

Lɛrɛvɔ Sɛbɛ 57:6

Baleoo, Bale, ’i nwa lanu ta loru, I tɔ zin bɔle ’é kɛlɛ tɛrɛ faa la ma.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Wegɔnévɔlenu 5:22

Wo dan wenyanékɛlɛzan kun lɛ ébo lé wenyané kɛlɛna, alé wenyané balenu a yerean.

Jérémi 18:20

Woo wezin lɛgi paan wenaané nyaa? Naa, wo guru bo an lee anlé tɛrɛla nyaale we ma. An da i va, an dɔle wolé we gi we ma, yee valé i bli dɔralale wo ma we ma; we ’ko sele ’é dɔ i gi ma.

Lɛrɛvɔ Sɛbɛ 119:85

Boblɛnzannu woo guru blɛnnu boo an ’lɛ, Wo ’ka we kɛla ilé bélidɔwenu yɛrama lo.

JOB (Job) 6:27

Ka a we ’nana bugalané gi, Ka a kle pana ka béé ta.

JOB (Job) 15:35

Éé wenaané bɔn sié, yé éé né yaan we sɛrɛle nya. Dé a bɔn bɔ, a gifɛ a dablifɛ nya.

Ézai 33:11

Ka bɔn si lu nya yé ka dan né yaa lɛ lɔɔ nya; ka fulu a kyɛ lé é dan ka ble lɛ, a nya.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Daniɛl 6:25

’Bɛ zuo, minwiinzan blɛn Darius sɛbɛ gyɛ bɛngɔnɔ faa koo, bɛnnu faa koo, dére faa do do vɔmunu koo, ’té woo nyanaan tɛrɛ faa la, wo lɛ léé: Ka vole drɔɔ gi ’é gyɛ é baba ma.