Lɛrɛvɔ Sɛbɛ 68:4 - Kazambale lé Sebe Sauunu 1979

⁴ Naa, mi tegelenu gi éé nanaan, woo kɛla a ’wuovolɛzannu nya Bale ’lɛ, Wo gi éé nanaan fɔɔ nɛnɛbole nya.

Lɛrɛvɔ Sɛbɛ 68:4 ပူးပေါင်းရင်းမြစ်များ

Lɛrɛvɔ Sɛbɛ 104:3

É élé kɔn dɔ ’yinu ta loru baa, Yé éé lafunu kɛla élé goro nya. Éé tawoo fu nya.

Lɛrɛvɔ Sɛbɛ 16:11

I dan vole é yuɛma zi gɔɔn lɛ an lɛ. Ginanale kiɛre boen ana i yara, Yé ginanamawenu lé woo ’ka nyaan lo, wa i bɛyila.

Lɛrɛvɔ Sɛbɛ 18:10

É lanu tua, yé é zun. Lati borozan a a gane wuo.

Lɛrɛvɔ Sɛbɛ 5:12

’Té munu faa lé wo pa i ta, wo gi é dan nana lɛ, Ginanale lé éé giéan é glɛ ta, é dan kɛlɛ lɛ wo gi yifaama, yé i dan wo takuun lɛ; Wo lé i tɔ sɔ wo lɛ, I dan kɛlɛ lɛ wo ginanamazan nya.

Lɛrɛvɔ Sɛbɛ 66:2

’Ka alé fua tɔ vɔ lɛrɛ nya, ’Ka alé fuasan nwa a tɔ zin fele nya,

Lɛrɛvɔ Sɛbɛ 66:4

Tɛrɛlamunu faa éé diaan ’wo bli la i ’lɛ, yé woo i tɔ bɔa lɛrɛvɔle nya, Yé woo i tɔ sian lɛrɛ nya.

Lɛrɛvɔ Sɛbɛ 67:4

Oo Bale, migɔnɔnu i tɔ zin fe ma, Wo faa i tɔ zin fe ma.

Lɛrɛvɔ Sɛbɛ 68:33

’Kaa munu lé Kazambale ke é plale ka nwiin, ’ka lɛrɛ vɔ a lɛ, ’Ka Mizan tɔ nwa. Ka ye do.

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Lɛrɛvɔ Sɛbɛ 97:11

Mi tegelenu lé we ma lé Kazambale éé san nwɛɛn‐an, Yé munu lé wo bli ke tegele, wolé we ma lé ginanale ke.

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Wegɔnévɔlenu 10:28

Mi tegelenu lé fɛ lɛbɛnle a ginanawe saa nya, naa, fɛ lé mi nyané bli ke a lɛ, é dan san lɛ.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 40:3

Dére do siaa léé: ’Ka Gakelebale lé zi pla bwi gi, ’Ka kolé Bale lé gbéin ta bɔ ékema Fɛna gale na.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.