Lɛrɛvɔ Sɛbɛ 68:3 - Kazambale lé Sebe Sauunu 1979

³ Mi nyanénu ta éé saan Gakelebale ’lɛ, Wo zuo éé dirian bélé kyɛgoi lé a zuo éé dirian, a zo; Wo ’yi éé boo bélé zɔrɔyoduo zo.

Lɛrɛvɔ Sɛbɛ 68:3 ပူးပေါင်းရင်းမြစ်များ

Lɛrɛvɔ Sɛbɛ 21:1

Lɛrɛ lé David a vɔle gɔɔn lɛrɛvɔmunu ’lɛzan lɛ.

Lɛrɛvɔ Sɛbɛ 32:11

’Kaa mi tegelenu, ka gi ’é nana Gakelebale gi, yé ginanale lé a glɛ ’ka lo, ’é kɛlɛ ka gi ma. ’Kaa faa lé ka bli ke tegele, ’ka siaa gi nanale nya ma.

Lɛrɛvɔ Sɛbɛ 37:20

Naa, mi nyanénu é dan zamaga wo lɛ, Yé Gakelebale nyanézannu é dan san lɛ bélé winu lé lublele zo, Wo ta é dan saan lɛ bélé kyɛgoi zo.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 58:10

Dé lélikyɛ ’ka tan kalé lɛedaanu kyɛ dɔ lɛ lo, Dé wa drɔɔdrɔɔoo, dé kyɛ vɔ wo maoo, barikoko é dan go lɛ wo nya.

Lɛrɛvɔ Sɛbɛ 64:10

Kana éé zén‐é munu faa gi. We lé Bale a kɛlɛ, wa zana dɔɔan, Yé wa kɛlɛwenu paan ’wo ’wuo gi.

Lɛrɛvɔ Sɛbɛ 75:4

Tɛrɛ ma ’éé nyɔɔnma, yee valé é tafɛnu faa nya; Maa, an dan alé wɛyilinu dɔ lɛ gligli. Ka ye do.

Lɛrɛvɔ Sɛbɛ 97:12

’Kaa mi tegelenu, ka gi ’é nana blɛn Gakelebale gi, Yé ’ka a kɛlɛle sauun tɔ bié kalé a tɔ zin fele nya.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

1 Tɛsalɔnik munu 5:16

Ka gi ’é nana yifaama ma.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 19:7

Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,