Lɛrɛvɔ Sɛbɛ 54:1 - Kazambale lé Sebe Sauunu 1979

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Kɔnɔ lé a balenu ke, ’wa gyɛ a va ma. David a vɔ

Lɛrɛvɔ Sɛbɛ 54:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:6

Yé é léé: Gakelebale, ko tranu lé Bale, biian i ke Bale nya lanu gi loo? I ’ka é plale bɛngɔnɔnu faa nwiin loo? Plɛplɛ valé we kɛlɛle se ’ka bii ɛ lɛɛ loo? Mi do kpen ’ka bɔa dɔle lɛ i ma lo. Yee kaan loo?

Lɛrɛvɔ Sɛbɛ 20:1

Lɛrɛ lé David a vɔle gɔɔn lɛrɛvɔmunu ’lɛzan lɛ.

Lɛrɛvɔ Sɛbɛ 26:1

David zé lé. Gakelebale, ’i we tegele kɛlɛ an lɛ, naa, gun ’ka anlé tawobɛ ma lo. An paan Gakelebale ta, an ’ka diaan lo.

Lɛrɛvɔ Sɛbɛ 48:10

Oo Bale, ko bɔn‐in bɔrɔan ilé zin ma Ilé kɔn sauun gi.

Lɛrɛvɔ Sɛbɛ 79:9

Ko Siéwegizan Bale, ’i bɔ ko va, i tɔ kɛlɛle blɛn lé we ma. ’I ko si munu lee yé ’i ko ma we vo kolé wenyanénu ma, i tɔ lé we ma.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Fwile 23:21

’I yuɛ pa ibozen va a yara, yé ’i tɔné dɔ a dére lɛ, té i dɔ a ma plɛplɛ lo, naa, é ’ka dan ka ma we vo lɛ lo, an tɔ a a gi, ’bɛzama.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Wegɔnévɔlenu 23:11

Wozé lɛgipazan a plɛplɛ; é dan dɔ lɛ wo zuo i ma.

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

1 Samuɛl 26:1

Zif munu go Saul va Gibéa yé wo léé: David ’ka é yɔɔle Aakila gɔ ma, bwi la zia loo?