Lɛrɛvɔ Sɛbɛ 53:6 - Kazambale lé Sebe Sauunu 1979

⁶ Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Lɛrɛvɔ Sɛbɛ 53:6 ပူးပေါင်းရင်းမြစ်များ

Ezidras 3:11

Wo lɛrɛ vɔ yé wo Gakelebale tɔ kɛlɛ blɛn yé wa tɔ zin fe dére ’konu nya: Naa, é a é zin; naa, alé nyanai zénle Izraɛlnu ta éé voo ana yifaama. Yé munu faa Gakelebale tɔ kɛlɛ blɛn ginanale lé siaalenu nya léé, wa Gakelebale lé kɔn gane vɔna.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

JOB (Job) 42:10

Dé Job bazoro é béénu tɔ ma, Gakelebale Job dɔ é dɔbɛ vininzan gi; yé fɛnu faa lé ke a lee é vinin, Gakelebale a lɛgi nɔ a lɛ gɔnɔ fié.

Lɛrɛvɔ Sɛbɛ 14:7

Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.

Lɛrɛvɔ Sɛbɛ 50:2

Siɔn lé é ke é nɔnɔmi, ’té gun ’ka a ma lo, Ana lé Bale élé fua tagɔɔn‐an.

Lɛrɛvɔ Sɛbɛ 85:1

Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛ lé.

Wegɔnévɔlenu 28:1

Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 14:32

Munu lé wo wo nwunvɔ, wo dan a zi pa lɛ wo lɛ nɔɔ? Wo dan a fe lɛ wo lɛ léé: Gakelebale Siɔn gane vɔ, yé alé munu lé wenaané bɔ wo ma, woo yɔɔna yé ’bɛna.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:36

Ka va munu lé wo vo é yuɛma ’wo nyanézannu lé tɛrɛ la, maa dan wo zuru va nyɛ kini lɛ; yililaa vun lé é ke wena bɛ, a lee lé wo dan vlan buru lɛ; wo dan vlan buru lɛ bélé fɛan zo lé mi éé vlan buruwo gwɔun ’lɛ, a zo, ’té woo goo diale nya, dɔlé ’té mi do kpen ’ka wo zuo lo.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.