Lɛrɛvɔ Sɛbɛ 51:6 - Kazambale lé Sebe Sauunu 1979

⁶ Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 51:6 ပူးပေါင်းရင်းမြစ်များ

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 32:8

Naa, webozen lé ke léé, léli do a mi gi, Plɛplɛfaazan lé flinle nya, yee ɛ mi gi kinié;

JOB (Job) 38:36

De ɛ wedɔɔle paan mi bli gii? De ɛ gikinile no mi léli lɛɛ?

Lɛrɛvɔ Sɛbɛ 125:4

Gakelebale, ’i wezin kɛlɛ mi zinnu lɛ, Wo valé munu lé wo bli ke tegele, wo lɛ.

Lɛrɛvɔ Sɛbɛ 15:2

Mian gun ’ka alé tawobɛ ma lo, ’té éé we tegele kɛla, ’Té webozen ke a bli gi, ’té éé a fé, yee lé.

Lɛrɛvɔ Sɛbɛ 26:2

Gakelebale, ’i an giwe nagini; ’i an gi dan, ’I an bli valé anlé gibɔrɔlenu nagini kyɛ nya,

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 41:5

Maa léé: Gakelebale, ’i nyanai zén an ta. ’I an boen béli; naa, an wenyané kɛlɛ i ma.

Lɛrɛvɔ Sɛbɛ 5:9

Gakelebale, ’i go an nya ilé we tegele gi an nyanézannu lé we ma, ’I ilé zi ta bɔ ékema an gane wuo.

Wegɔnévɔlenu 2:21

Naa, mi drɔlenu é dan nyana lɛ tɛrɛ ’ko la; mi wéiinnu é dan vo lɛ ana;

Wegɔnévɔlenu 2:6

Naa, Gakelebale ɛ wedɔɔle no mi lɛ; a ’léé lé wedɔɔdére valé gikinidére éé sié;

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

WENÉNÉ LÉ LUK A GYE (Évangile selon Luc) 11:39

Naa, Mizan lé a lɛ léé: ’Kaa Farizimunu, ka ’yiminikana valé fɛblekana lala folié, ’té ka bli a é fanle glawe valé we lɛrɛlɛrɛ nya.

Rom munu 7:22

Kazambale lé bélidɔwe sɔ an gi bli lɛ;

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.