Lɛrɛvɔ Sɛbɛ 51:4 - Kazambale lé Sebe Sauunu 1979

⁴ ’I an zuru tata yé ’i anlé weple si an ma, ’I anlé wenyané si yé ’i an gi bɔ.

Lɛrɛvɔ Sɛbɛ 51:4 ပူးပေါင်းရင်းမြစ်များ

Wepélisiananu 20:6

Kazambale lé a lɛ nyɛ fla léé: Maa a gi dɔɔ léé, i we ’ko kɛlɛ i bli gi fu nya. Maa é ziin, maa ilé wenyané kɛlɛle an ma yi ga. Bɛwemalé maa ’ka zi nɔ lɛ i lɛ léé, i bɛ mane a ma lo.

Wepélisiananu 38:7

Juda lé né vininzan Eɛ a mi nyané nya Gakelebale yuɛ gi, yé Gakelebale a gyɛ yé é ga.

Wepélisiananu 39:9

Yeebozen ’ka blɛn yé é mini maa ta kɔn ’ko gi lo; yé é ’ka fɛ do kpen yi ga lɛ an lee lo, ’té dé é ’ka bii do nya lo; bii a a na nya, azama. An kɛla kaa yé an ’bɛ zo wenaané blɛn kɛlɛ yé an wenyané kɛlɛ Kazambale maa?

Wepélisiananu 9:6

Dé mi do mi nyɛ zana, munu é dan ’bɛzan nyɛ zana lɛ é ziin; Kazambale mi kɛlɛ é dɔbɛ gi, azama.

2 Minwiinzannu 17:17

Wo ’wo benu valé ’wo lunu vɔ kyɛ va yé wobo nɔ ’moné dɔle valé yo kɛlɛle lɛ, yé we lé ke é naané Gakelebale yuɛ gi, wo ’wobo dan a kɛlɛle we ma, Gakelebale bli flile we gi.

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Lɛrɛvɔ Sɛbɛ 50:4

É a la valé tɛrɛ laana, Élé munu lé weblele we ma;

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Lévinu 5:19

Wenyaa saraka lé, naa, we a mi ’ko nwiin Gakelebale yuɛ gi, azama.

WENÉNÉ LÉ LUK A GYE (Évangile selon Luc) 15:21

A be lé a lɛ léé: An ti, an wenyané kɛlɛ Bale valé bii lɛ. A yara ’ka an yara léé, wo an laa i be é dɛrɛ lo.

WENÉNÉ LÉ LUK A GYE (Évangile selon Luc) 7:29

Munu faa lé wa dére ’ma, wo faa Kazambale lé mi kɛlɛle tegele nagɔɔn Jan lé ’wo batizéwole nya; wo va mi kenu a vagɔɔlisimunu nya.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 3:4

Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

SEBE LÉ JAK A GYE (Épitre de Jacques) 2:11

Mian é a fe léé: Té i le bɛ valé gɔné bɛ gini lo, ’bɛzan lé é ziin léé: Té i mi gyɛ lo. Naa, dé i ’ka le bɛ valé gɔné bɛ ginian lo, dé i mi gyɛ, ’té i kinin bélidɔwe sɛrɛzan nya.

SEBE LÉ JAK A GYE (Épitre de Jacques) 2:9

Naa, dé ka munu naginian wo kɔlɛ ma, ’té ka a wenyané kɛlɛna, ’té ka bélidɔwe sɛrɛ yé bélidɔwe ka gyɛ we nya.

Wegɔɔnle 16:5

Maa ’yinu lé lanje dére ’ma, ’té éé a fé léé: Bii lé i ke, bii lé i ke é kyɛn, bii lé i ke sauun, i we ’konu ble é blena, amalé i a tegele.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.