Lɛrɛvɔ Sɛbɛ 51:18 - Kazambale lé Sebe Sauunu 1979

¹⁸ Dé é a kɔɔn léé, i a sarakanu va, ’té maa a bo i lɛ; Naa, balebanwi lé wa kyɛ blé, é ’ka i gi nanaan lo.

Lɛrɛvɔ Sɛbɛ 51:18 ပူးပေါင်းရင်းမြစ်များ

Néémi 2:17

Yé maa lé wo lɛ léé: Kaa lé we a naané fɛan zo bɛ, ka ye; Jérusalɛm kɛlɛ é ’bin nya, yé kyɛ flagɔrɔ ’léé duolinu ble; ’ka da, kaa Jérusalɛm zi gɔrɔ bɛ bo é ziin, té yara é kaa gyɛ é dɛrɛ lo.

Lɛrɛvɔ Sɛbɛ 102:16

Yé bɛnnu é dan kana lɛ Gakelebale tɔ ma, Yé tɛrɛ la minwiinzannu faa é dan kana lɛ alé fuasan lee.

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Lɛrɛvɔ Sɛbɛ 25:22

Baleoo, Bale, ’i Izraɛl si Wolé kleblelenu faa gi.

Lɛrɛvɔ Sɛbɛ 40:7

I bli ’ka bɔa sarakanu valé blɛnu ma lo, I an tɔné lɛ so; Balebanwi lé wa kyɛ blé, ’bɛ valé wenyané ’yibofɛ, i ’ka wo ma laan an lee lo.

Lɛrɛvɔ Sɛbɛ 69:35

Lanu valé tɛrɛ, ’wo a tɔ nwa ma, Wɛyinu valé é vafɛnu faa lé woo kɔɔan, ’wo a tɔ nwa ma.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 58:12

Ilé munu é dan fla pa lɛ fla kwa la; i dan a gane kyɛn vɔ lɛ; wo dan i laa lɛ fɛsɛrɛle ma’lɛrɛzan. Wo dan i laa lɛ zi kwa vuogizan, munu kɛlɛle tɛrɛ ’ko la we ma.

Ézai 62:1

Siɔn sɔle an lɛ lé we ma léé, an ’ka dan tadɔ lɛ lo; Jérusalɛm sɔle an lɛ lé we ma léé, an ’ka dan flin lɛ pelo, Fɔɔ yé munu faa a silewegi ye bélé tukinile zo, Fɔɔ yé munu faa a vole éboma ye bélé sona bile zo.

Jérémi 51:50

’Kaa lé ka so gwɔun lee, ’ka go, té ka dɔ lo. Yé tɛrɛ baa lé ka bɔ ana, ’ka bɔn‐in bɔrɔ Gakelebale ma ’bɛna, yé Jérusalɛm sele ’é dɔ ka gi.

Daniɛl 9:25

Bɛwemalé, ’i we ’ko ’ma, yé bé gi ’ma ma. Dére lé é a fe léé, wo dan Jérusalɛm pa lɛ é ziin, a febléyi va fɔɔ yé é bɔ Nyɔnɔzénnwiinzan, Zigɔɔnzan bléyi ma, é a flɛyi sɔrafié nya. Flɛyi yɔ yaa wɔlɛ fié gi, wo dan vuunlanu kɛlɛ lɛ yé wo dan gurunu bo lɛ, naa bléyi tɔntɔnnu lé.

Misé 6:7

Dé an go ’blagɔné wuru é wuru nya, Gakelebale é dan é ban‐ɛn ble lɛɛ? Dé an nyɔnɔ nɔ a lɛ bélé ’yiyorole kiɛre zo, é dan é ban‐ɛn ble lɛɛ? É a lé maa anlé né vinin nɔ bélidɔwenu lé maa wo sɛrɛ, a we maa? Maa dan an giné nɔ lɛ anlé wenyané ma ban nyaa?

Misé 7:11

Yian nya lé wo dan bii Jérusalɛm zi gɔrɔ bo lɛ, a yi nya lé i glɛ é dan bié lɛ é zuo.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Éfez munu 1:5

Kaa sɔle Bale lɛ lé we ma lé, é a fe é kyɛn léé, é dan kaa si lɛ ébozen lé nénu nya Jézu Krist lé we ma, léé, alé zin blɛɛn lé é a kɛlɛ kaa lɛ élé néwezan gi, yé munu a tɔ zin fe a we ma. We ’ko a Bale lé blibɔmawe nya yé é a gi nana, amalé é a kɛlɛ.

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.