Lɛrɛvɔ Sɛbɛ 5:10 - Kazambale lé Sebe Sauunu 1979

¹⁰ Naa, dére tegele do kpen ’ka sié wo ’léé lo, Wo bli a é fanle mi blifliwe nya, Wo bɔrɔ gi a mi vun lɛ sole nya, Yé blaanépadérenu a wo nɛnɛ ta.

Lɛrɛvɔ Sɛbɛ 5:10 ပူးပေါင်းရင်းမြစ်များ

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Lɛrɛvɔ Sɛbɛ 10:15

’I mi nyanénu bɛ yéli, ’I wolé weplenu lɛgi pa, ’wo san i yuɛ gi.

Lɛrɛvɔ Sɛbɛ 107:11

Wo Bale dére lɛga a ma, Wo Loruzan lé weplale ye boawe nya, azama.

Lɛrɛvɔ Sɛbɛ 17:13

Gakelebale, ’i nwa, ka kee wo nya yé ’i wo guru zana a gi. ’I an si mi nyanénu lee ilé gwɔun nya.

Lɛrɛvɔ Sɛbɛ 31:18

Gakelebale, dé maa i tɔ laa té yara an gyɛ lo. Yara ’é mi nyanénu gyɛ ma, ’Wo zun mi galenu nyanana ’wo lɔlu lɛ tanle nya ma.

Lɛrɛvɔ Sɛbɛ 35:26

Munu lé wo gi éé nanaan we tɔntɔn bɔle an ma we ma, Yara ’é wo faa gyɛ yé wo yuɛ ’é tana ma. Munu lé woo nwaan an ma, yara ’é wo gyɛ yé munu ’é serele bo wo ma ma.

Lɛrɛvɔ Sɛbɛ 55:15

Ko nyanaan ékeva, ’té ko ko ke giwe fé ko ke lɛ bli drɔɔ nya. Ko goo migu va Bale lé kɔn gi.

Lɛrɛvɔ Sɛbɛ 66:7

Alé plɛplɛ nya lé éé plaan munu nwiin, Éé bɛnnu naginian é yuɛ nya, Té tɔnégiplɛplɛ munu é nwa lo ma. Ka ye do.

Lɛrɛvɔ Sɛbɛ 71:13

Munu lé wa a va léé, ’wo an gyɛ, yaragyɛwe ’é bɔ wo ma yé ’wo sɛrɛ tata ma. Munu lé wa a va léé, ’wo an saan, yara blɛn ’é wo gyɛ yé wo serele bo wo ma ma.

Lɛrɛvɔ Sɛbɛ 79:12

Mizan, sɔnɔnu lé ko punmazannu a wo ko lɛ, ’Bé lɛgi pa wo ma gɔnɔ sɔrafié ma.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 1:20

Naa, dé ka ’ka a nyi si lɛ lo, dé ka nwa an ma, ka dan ga lɛ gwɔun ’léé, maa Gakelebale ɛ fe, azama.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

1 Korent munu 3:19

Naa, tɛrɛ ’ko la wedɔɔle a Kazambale yuɛ gi ’tugyɛwe nya. É ziin, é a é gyɛle Kazambale lé sɛbɛ gi léé: É wedɔɔzannu kunwo wolé gikinile gi,

Bélidɔwesɛbɛ Fiézan 2:30

Naa, Esibɔn munu nwiinzan Sioni ’ka a nyi si lɛ léé, ko gié ’élé fɛna lo; Gakelebale, kalé Bale a bli dɔ kpɛɛn yé é a bli dɔ plɛplɛ a pale ka lee we gi, fɛan zo lé ka ye kyɔ, a zo.

1 Samuɛl 25:29

Dé mi do nwa i zuo binle we gi, ilé tɛrɛla nyaale we gi, ’té anzan léli ta a é dɔle Gakelebale, ilé Bale lé fɛwezan pakɛsu gi, yé é dan i nyanézannu léli vuli lɛ bélé fɛan zo lé mi éé siagigɔlɛ vulian, a zo.

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.