Lɛrɛvɔ Sɛbɛ 47:5 - Kazambale lé Sebe Sauunu 1979

⁵ É fɛna si a va kozé nya, Jakɔb lé é sɔ a lɛ, alé fua lé. Ka ye do.

Lɛrɛvɔ Sɛbɛ 47:5 ပူးပေါင်းရင်းမြစ်များ

2 Samuɛl 6:15

David valé Izraɛl munu faa go Gakelebale lé kɛsu nya gi nana siaale valé béli fɛnle nya.

Minwiinzannu lé Wezuofe Sɛbɛ 15:24

Balebanzannu Sébania, Jozafat, Nétanéɛl, Amasai, Zakari, Bénaja, Éliézɛɛ, woo ɛ béli fɛɛn Kazambale lé kɛsu ’lɛ. Obɛd‐Édom valé Jékija a kɛsu kɔné sizannu nya é ziin.

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 16:42

Éman valé Jédutun a wo va, bélinu koo, kɔanu koo, fɛ bɛnu lé woo lɛrɛ vɔa wo va yé wo Kazambale tɔ bɔ koo, wo ’bɛnu bɛ pa ’bɛnu ɛ lee. Jédutun benu a kɔntayuɛpazannu nya.

Lɛrɛvɔ Sɛbɛ 150:3

’Ka a tɔ zin fe béli fɛnle nya ma. ’Ka a tɔ zin fe kpélé gyɛle valé kɔnɔ gyɛle nya.

Lɛrɛvɔ Sɛbɛ 68:33

’Kaa munu lé Kazambale ke é plale ka nwiin, ’ka lɛrɛ vɔ a lɛ, ’Ka Mizan tɔ nwa. Ka ye do.

Lɛrɛvɔ Sɛbɛ 78:65

Mizan nwa bélé yigyɛzan vuole zo, É nwa bélé nyanazan lé nwɛ a gyɛ, a zo.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Lɛrɛvɔ Sɛbɛ 98:6

’Ka lɛrɛ vɔ béli fɛnle valé panné gyɛle nya, ’Ka siaa ginanale nya minwiinzan blɛn Gakelebale ’lɛ.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Amɔs 8:7

Gakelebale Jakɔb tɔbɔmazan ’nyɔɔn léé, wo kɛlɛwe do kpen ’ka dan saan lɛ ’é gi lo.

Malasi 2:3

Ka ye, maa dan kalé vɔfɛnu sɛrɛ lɛ, yé maa dan kalé balebanwinu bo vuli lɛ ka yara yé wo dan go lɛ ka valé wonu nya ékeva.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

1 Korent munu 15:52

bléyi do nya, bélé mi yuɛlakɔnɛ gyɛle zo, béli nyaanla fɛnle nya. Dé é we, mi galenu é dan nwa lɛ kɔlɛ lé é ’ka vɔn‐o é dɛrɛ lo, a nya wo ta, yé kaa é ziin, wo dan kaa kɔlɛ tavɔɔ lɛ.

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Jozué 6:5

Dé wo béli fɛn, yé ka béli dére ’ma, munu faa ’é siaa dére plɛplɛ nya. Tɔɔn, wolé fla zi gɔrɔ é dan zana lɛ, yé ka faa do do é dan wɔra lɛ tegele.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.