Lɛrɛvɔ Sɛbɛ 40:6 - Kazambale lé Sebe Sauunu 1979

⁶ Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Lɛrɛvɔ Sɛbɛ 40:6 ပူးပေါင်းရင်းမြစ်များ

JOB (Job) 33:16

’Bɛna lé éé we plaan wo lɛ, Yé é élé wepaale wo gi lɛ sɔɔan,

JOB (Job) 5:9

Éé we blɛnnu kɛla, ’té mi ’ka a gi maan lo, Mi ’ka alé givuruwe kɛlɛle ’léé dɔɔa lo;

Lɛrɛvɔ Sɛbɛ 139:17

Oo Bale, i ’wuogibɔrɔ ma wenu gi ’male an kele. Wo nɔnɔ ’léé a blɛn é baba.

Lɛrɛvɔ Sɛbɛ 139:18

Dé maa wo nɔnɔ, ’té wa kiɛre, wo mini nyénénu ta. Dé maa vuo ’té maa a i va tan.

Lɛrɛvɔ Sɛbɛ 50:8

Kalé sarakanu bole ma‐an an we pla ka lɛ yara tɔntɔn nya lo; Kalé balebanwi lé wa kyɛ blé, a gini a an gi yifaama.

Lɛrɛvɔ Sɛbɛ 51:16

Baleoo Bale, an Siéwegibale, ’i mi nyɛ si an bɛ ma, Yé maa dan i tɔ nwa lɛ ilé nyanai zénle ma.

Lɛrɛvɔ Sɛbɛ 71:15

Yi faa do do ma an dan ilé we tegele valé ilé misilewegi zana dɔɔ lɛ, Naa, an ’ka bɔa a faa zuo fele lɛ lo.

Fwile 21:6

’té azan é dan da lɛ a nya Kazambale ’lɛ; yé dé duoli léé, dé duoli vɔgiyili léé, é dan bié lɛ a ma, yé azan é dan a tɔné fɔn lɛ foroné nya, yé luu é dan vo lɛ alé nyanama pana lɛɛfaama.

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézai 25:1

Gakelebaleoo Gakelebale, i a anlé Bale nya; Maa dan i kɛlɛ lɛ blɛn, ’té maa i tɔ ma gya, Naa, i migisanmawenu kɛlɛ; Wenu lé wo dɔ i gi a bléyi ’lɛ, i wo lɛ sɔɔ yarapalale nya.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Matio 12:7

Dé é vo léé, ka we ’ko gi ’ma léé, nyanai zénle ɛ sɔa an lɛ yé saraka bole ’ka sɔa an lɛ lo, ’té ka ’ka kɔɔn we dɔa nwiinplazannu nwiin lo.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.