Lɛrɛvɔ Sɛbɛ 39:6 - Kazambale lé Sebe Sauunu 1979

⁶ Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Lɛrɛvɔ Sɛbɛ 39:6 ပူးပေါင်းရင်းမြစ်များ

JOB (Job) 14:1

Mi lé le a yaa, alé tɛrɛla a kpégéléné, ’Té a gi kyɛ a é dɔle yifaama.

JOB (Job) 7:16

Tɛrɛla sɛrɛ an gi, an ’ka dan vo lɛ é yuɛma yifaama lo, ’I an vo, naa, anlé tɛrɛ la a fu fɛɛle do nya é pla.

JOB (Job) 7:7

An sele ’é dɔ i gi léé, anlé tɛrɛ la a bélé fu fɛɛle do zo. An yuɛ ’ka dan wezin ye lɛ é dɛrɛ lo.

Lɛrɛvɔ Sɛbɛ 127:2

Ka nwale é dere koo, yigyɛ bléyi giéla ka ta koo, Kalé fɛ blele bli kyɛdɔle nya koo, wo tɔnɔ ’ka lo; Naa, Bale éé sɔlɛzannu zé no kiɛre bléyian va lé ’bɛnu a yigyɛna, ’bɛ bléyi va.

Lɛrɛvɔ Sɛbɛ 144:4

Blami a bélé flinle do zo, Alé yinu a bélé furɔ lé éé nɔlaan, a zo.

Lɛrɛvɔ Sɛbɛ 89:48

Fɛan zo lé anlé tɛrɛla ’ka mɔn‐o lo, Yé i blaminu faa kɛlɛ é pla, a sele ’é dɔ i gi ma.

Wegɔnévɔlenu 13:22

Mi zin zarablezannu a é nénénu nya, naa, woo wenyanékɛlɛzannu lé fuafɛnu tadɔa mi tegelenu zé nya.

Wegɔnévɔlenu 23:5

Fɛ lé é dan san lɛ, é sɔ i lɛ léé, i yuɛ é go ’bɛ zuoo? Naa, fuafɛnu bɛa a, yé woo sié la gi zia bélé gola zo.

Wegɔnévɔlenu 27:24

naa, fuafɛnu ’ka voo ana yifaama lo, yé tɔkoro ’ka mɔn‐o lɛɛfaama lo.

Bale Lé We Gifezan 1:14

We faa lé woo kɛla tɛrɛ la, maa wo ye; yé bé ye, ’bɛ faa a boawe valé fu zuobinwe nya.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Bale Lé We Gifezan 12:8

gɔɔlifu bale é dan kini lɛ, kyanbɔ é dan ’wii lɛ, bɔ é dan ’wii lɛ ’yi bagi, yé ’yitɔfɛ bale é dan kini lɛ ’yiguru la;

Bale Lé We Gifezan 2:26

Naa, mi lé é sɔ Bale lɛ, a lɛ lé, éé wedɔɔle koo, gikinile koo, ginanale koo, wo no; naa, éé a kɛla léé, wenyanékɛlɛzan é fɛ ye, ’té éé a tééan, a nɔle munu lé wo sɔ Kazambale lɛ wo lɛ we gi. ’Bɛ é ziin, ’bɛ a boawe valé fuzuobinwe nya.

Bale Lé We Gifezan 2:8

Gɔɔlifu valé kyan koo, minwiinzannu lé fuafɛnu valé wolé tɛrɛlafuafɛnu koo, maa wo téé anbo lɛ. An lɛrɛvɔgɔnénu valé lɛrɛvɔlomu si anzé nya; maa blami ginanamafɛnu valé lomu kiɛre si anzé nya.

Bale Lé We Gifezan 5:14

É si é bu bɔn gi é porole fɛan zo, a zo duo lé é dan go lɛ é ziin, é ’ka we do kpen sié yé é goan é lee élé nyanama mafɛ nya lo.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

WENÉNÉ LÉ LUK A GYE (Évangile selon Luc) 12:26

Amalé dé ka ’ka bɔa we kiiéné kɛlɛle lɛ lo, mɛmalé ka we koɛnu gi bɔrɔ paan?

WENÉNÉ LÉ LUK A GYE (Évangile selon Luc) 12:29

Yé ’kaa, té ka blefɛ valé minifɛ nagini lo, yé té ka wo gi bɔrɔ pa lo.

1 Korent munu 7:31

Munu lé woo tɔnɔ yé tɛrɛ ’ko la, ’wo kɛlɛ bélé fɛan zo lé wo ’ka a yé lo, a zo ma. Tɛrɛ ’ko la we éé giéan, amalé maa we ’konu fe ka lɛ.

SEBE LÉ JAK A GYE (Épitre de Jacques) 4:14

We lé é dan bɔ lɛ tɛlɛ, ka ’ka a gi dɔɔa lo. Kalé tɛrɛla a kaa? Ka a fɛfulu lé éé bɔraan bléyi sɛ nya, yé ’bɛ zuo yé é san, a nya.

SEBE LÉ JAK A GYE (Épitre de Jacques) 5:3

Gyan vɔ kalé kyan valé kalé gɔɔlifu ma; yé wo ma gyan é dan ka ma we fe lɛ, yé é dan ka nɛ ble lɛ bélé kyɛ zo. Ka fɛwezannu zun dɔ kazé nya yi voélazannu ’ko gi.

1 Piɛri 1:24

Naa, Mi faa a bélé lu zo, Yé mi lé fua faa a bélé lu vwi zo, Lu éé gaan yé a vwi éé diaan,

1 Piɛri 5:7

yeebozen ɛ ka paan, amalé ’ka kalé gibɔrɔmawenu faa bɛ pa a lee.