Lɛrɛvɔ Sɛbɛ 32:5 - Kazambale lé Sebe Sauunu 1979

⁵ Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 32:5 ပူးပေါင်းရင်းမြစ်များ

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Samuɛl 12:9

Mɛmalé i sɔn vɔ Gakelebale dére ma, we lé ke é naané a yuɛ gi, a kɛlɛle nyaa? I Éti mi Uri gyɛ gwɔun nya; bé na si izé nya yé bébozen gyɛ Amɔn munu lé gwɔun nya.

2 Samuɛl 24:10

David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

1 Minwiinzannu 8:50

wenyanénu lé ilé munu a kɛlɛ i ma, é valé ilé bélidɔwe faa sɛrɛle nya, ’i wo ma we vo ma; munu lé wo wo kun luu nya, ’i nyanaizénbli vɔ wo gi ma, wo nyanai zénle wo ta we gi,

2 Minwiinmunu lé Wezuofe Sɛbɛ 6:29

dé mi do léé, dé ilé munu Izraɛl faa léé, dé wo bazoro yé wo zanté vɔ i lɛ, yé wo faa va mi do do ébo lé we naané valé élé we tɔntɔn dɔɔ yé é bɛ soi kɔn ’ko vazia,

Ezidras 10:11

Sin, ’ka ka saanna fe Gakelebale, ka tranu lé Bale lɛ, yé ’ka alé blibɔmawe kɛlɛ. ’Ka kan kini tɛrɛ ’ko la munu valé bɛnlomu ma.

JOB (Job) 31:33

Maa anlé wenyané yɔɔ, mi pɔnénu lé wenyané yɔɔle zoo? Maa anlé weplenu yɔɔ an bɔn gi An kanale munu lee we maa?

JOB (Job) 33:27

Éé lɛrɛ vɔa munu yuɛ va léé, An wenyané kɛlɛ, an we tegele sɛrɛ, Yé Bale ’ka we lɛdɔ lɛ an gi an saanle yɛrama lo;

Lɛrɛvɔ Sɛbɛ 103:12

Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 103:3

Yee ɛ i ma we voo ilé weplenu faa ma, Yee ɛ i bélié ilé gyɛnu faa gi,

Lɛrɛvɔ Sɛbɛ 25:16

’I an nagini yé ’i nyanai zén an ta, Naa, wo an vo an do yé maa a wenaanébɔmazan nya.

Lɛrɛvɔ Sɛbɛ 25:18

An kɛlɛ nyanaizénlazan nya anlé nyanéblele gi fɛan zo, bé ye do, Yé ’i an ma we vo anlé wenyanénu faa ma.

Lɛrɛvɔ Sɛbɛ 30:5

’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

Lɛrɛvɔ Sɛbɛ 38:18

Naa, é vo sɛ yé an dia, Yé anlé nyané blele a yifaama an ’lɛ.

Lɛrɛvɔ Sɛbɛ 38:19

Maa anlé weplenu fé, Yé anlé wenyanénu lé we ma lé kana a an gi.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Wegɔnévɔlenu 30:20

Gɔné bɛ ginizan lé wekɛlɛbɛ lé ke ’ko: Éé fɛ blé, éé lɛ ma booan, a zuo é léé: Maa ’ka wenaané kɛlɛ lɛ lo.

Ézai 65:24

An tɔ laale é vo wo bɔrɔ gi mi, yé maa a zi pa; dé wa tan wefena an lɛ, ’té maa a nyi si é kwakwa.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:35

Naa, duowo, ka léé: Iin, ko a weanwiinlozannu nya; a bli ’ka dan fli lɛ ko ma lo. Ka ye, an dan we ble lɛ ka va; ka léé, ’wo ’ka wenyané kɛlɛ lɛ pelo, azama.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Lévinu 5:5

Mi lé é we dɔ ’é nwiin we ’konu va we do kɛlɛle nya, ’é da ’élé wenyané fe.

Malasi 3:8

Mi éé dabli kɛla Bale lɛɛ? Naa, ka dabli kɛlɛ an lɛ. Yé ka léé: Ko dabli kɛlɛ i lɛ kaa? Ka dabli kɛlɛ an lɛ kalé fɛvuzan valé blɛfɛ nɔle nya.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

WENÉNÉ LÉ LUK A GYE (Évangile selon Luc) 7:47

Bɛwemalé maa lé i lɛ léé, alé wenyané kiɛre lé ke bɛ, maa a ma we vo wo ma, amalé an sɔ a lɛ é baba. Naa, mi lé alé wenyané ke kiéné, yé maa a ma we vo a ma, an sɔa a lɛ sɛ.

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Jozué 7:19

Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.